ఎన్నిలేవు పనులు నీ కెంచుక సేసేనంటే
(॥పల్లవి॥)
ఎన్నిలేవు పనులు నీ కెంచుక సేసేనంటే
మన్నింతువుగాక జోలి మరి యేలయ్యా
(॥ఎన్ని॥)
పలుకు దేనెల మోవి పచారించి వేఁడుకొనీ
చెలియ మనవు లింకఁ జేకొనవయ్యా
కొలువు లిందాఁకా జేసి కొసరి నిన్నుఁ బిలిచీ
యెలమి నీకె ఇంటికి రావయ్యా
(॥ఎన్ని॥)
చిగురుఁ జేతుల నిన్ను చెయివట్టి పెనఁగీని
మగువ చేఁతలకు సమ్మతించవయ్యా
మొగము చూచి నీకు మెక్కులెల్లా మొక్కీని
అగపడి యీకె చెప్పినట్టు సేయవయ్యా
(॥ఎన్ని॥)
కుంకుమ గుబ్బల నిన్నుఁ గుచ్చి కాఁగిలించుకొనీ
లంకెలఁ బాయక ఇఁక లాలించవయ్యా
తెంకికి నిన్నుఁబిల్చి తెరవేసుకొనె నీకె
అంకెల శ్రీవేంకటేశ ఆదరించవయ్యా
(||pallavi||)
ĕnnilevu panulu nī kĕṁchuga sesenaṁṭe
manniṁtuvugāga joli mari yelayyā
(||ĕnni||)
palugu denĕla movi pasāriṁchi vem̐ḍugŏnī
sĕliya manavu liṁkam̐ jegŏnavayyā
kŏluvu liṁdām̐kā jesi kŏsari ninnum̐ bilisī
yĕlami nīgĕ iṁṭigi rāvayyā
(||ĕnni||)
sigurum̐ jedula ninnu sĕyivaṭṭi pĕnam̐gīni
maguva sem̐talagu sammadiṁchavayyā
mŏgamu sūsi nīgu mĕkkulĕllā mŏkkīni
agabaḍi yīgĕ sĕppinaṭṭu seyavayyā
(||ĕnni||)
kuṁkuma gubbala ninnum̐ guchchi kām̐giliṁchugŏnī
laṁkĕlam̐ bāyaga im̐ka lāliṁchavayyā
tĕṁkigi ninnum̐bilsi tĕravesugŏnĕ nīgĕ
aṁkĕla śhrīveṁkaḍeśha ādariṁchavayyā