ఎన్ని సేసినా నీకు నిది గొత్తలా
(॥పల్లవి॥)
ఎన్ని సేసినా నీకు నిది గొత్తలా
అన్నిటిలోపల నుండే ఆతఁడౌదో కావో
(॥ఎన్ని॥)
వొలఁతి మొయిఁదీగెపై పులకలు వొడమించే-
విల నిన్నుఁ దలఁపించి యిది గొత్తలా
తలకొన్న వేణునాదముననె వట్టిమాఁకు-
లలర- జేసినవాఁడవౌదువో కావో
(॥ఎన్ని॥)
గుట్టునఁ బయ్యెదకొంగు గుబ్బలనె జారించే-
విట్టె నీ ప్రేమనే యిఁతికిది గొత్తలా
మట్టుకొని వేణురవమున గొల్లెతల చీర-
లట్టు నిట్టు వదలించి నాతఁడౌదో కావో
(॥ఎన్ని॥)
కాంత కవుఁగిటను వేంకటగిరి విభుఁడా నీ-
వింత మేను మఱపించుటిది గొత్తలా
పంతమూడి యడవిలో పసుల నీరాగాల-
రంతులనే మఱపించే రాజవవుదో కావో
(||pallavi||)
ĕnni sesinā nīgu nidi gŏttalā
anniḍilobala nuṁḍe ādam̐ḍaudo kāvo
(||ĕnni||)
vŏlam̐ti mŏyim̐dīgĕbai pulagalu vŏḍamiṁche-
vila ninnum̐ dalam̐piṁchi yidi gŏttalā
talagŏnna veṇunādamunanĕ vaṭṭimām̐ku-
lalara- jesinavām̐ḍavauduvo kāvo
(||ĕnni||)
guṭṭunam̐ bayyĕdagŏṁgu gubbalanĕ jāriṁche-
viṭṭĕ nī premane yim̐tigidi gŏttalā
maṭṭugŏni veṇuravamuna gŏllĕdala sīra-
laṭṭu niṭṭu vadaliṁchi nādam̐ḍaudo kāvo
(||ĕnni||)
kāṁta kavum̐giḍanu veṁkaḍagiri vibhum̐ḍā nī-
viṁta menu maṟabiṁchuḍidi gŏttalā
paṁtamūḍi yaḍavilo pasula nīrāgāla-
raṁtulane maṟabiṁche rājavavudo kāvo