ఎన్ని సేఁతలై నఁ జేయునిపుడు యీతఁడు
(॥పల్లవి॥)
ఎన్ని సేఁతలై నఁ జేయునిపుడు యీతఁడు
కన్నెవయసువారినెల్ల గాఁకదేర్చె నీతఁడు
(॥ఎన్ని॥)
గుబ్బచన్నుదోయి మెఱుఁగుఁ గులుకరించి చెలఁగి నడచు
గబ్బుతావిరమణి చల్లకడవతోడను
సిబ్బమైన చెక్కులందు చిన్నిచెమటగారఁ జెనకి
గబ్బిసేఁతలెల్లఁ జేసె కళలుగరఁగ నీతఁడు
(॥ఎన్ని॥)
వాలుఁగన్నుదోయి మెఱుఁగు వల్లెవేసివేసి రతికి
కాలుదవ్వురమణి చల్లకడవతోడను
కేలుదమ్మి కంకణాలు గిలుకరించి చెలఁగి నడచు
కీలుగొప్పు సడిలి జారఁ గిందుపరిచె నీతఁడు
(॥ఎన్ని॥)
కొదలుదేరు కోవిలెలుఁగు కుత్తికందు సాళగించి
కదలుమోవిరమణి చల్లకడవతోడను
ఎదురమెరయు వేంకటేశుఁడింతి ప్రేమదీరఁ జెనకి
కదిసి మదనకదనమందు కలికిఁజేసె నీతఁడు
(||pallavi||)
ĕnni sem̐talai nam̐ jeyunibuḍu yīdam̐ḍu
kannĕvayasuvārinĕlla gām̐kadersĕ nīdam̐ḍu
(||ĕnni||)
gubbasannudoyi mĕṟum̐gum̐ gulugariṁchi sĕlam̐gi naḍasu
gabbudāviramaṇi sallagaḍavadoḍanu
sibbamaina sĕkkulaṁdu sinnisĕmaḍagāram̐ jĕnagi
gabbisem̐talĕllam̐ jesĕ kaḽalugaram̐ga nīdam̐ḍu
(||ĕnni||)
vālum̐gannudoyi mĕṟum̐gu vallĕvesivesi radigi
kāludavvuramaṇi sallagaḍavadoḍanu
keludammi kaṁkaṇālu gilugariṁchi sĕlam̐gi naḍasu
kīlugŏppu saḍili jāram̐ giṁdubarisĕ nīdam̐ḍu
(||ĕnni||)
kŏdaluderu kovilĕlum̐gu kuttigaṁdu sāḽagiṁchi
kadalumoviramaṇi sallagaḍavadoḍanu
ĕduramĕrayu veṁkaḍeśhum̐ḍiṁti premadīram̐ jĕnagi
kadisi madanagadanamaṁdu kaligim̐jesĕ nīdam̐ḍu