(॥పల్లవి॥)
ఎన్ని చందముల నెట్టైన నుతింతు
కన్నుల నిన్నే కనుఁగొంటిఁ గాన
(॥ఎన్ని॥)
గోవిందాయని కొలిచిన నిన్నే
శ్రీవల్లభుఁడని చింతింతును
భూవిభుఁడవు యిది పునరుక్తనకుమీ
దైవ మొకఁడవే ధరణికిఁ గాన
(॥ఎన్ని॥)
పరమాత్ముఁడవని భక్తి సేసి నిను
నరహరివని ధ్యానము సేతు
సరవులఁ జర్విత చర్వణమనకుమీ
అరయఁగఁ గురి యంతరాత్మవు గాన
(॥ఎన్ని॥)
సరుగ శ్రీవేంకటేశ్వర నీదాస్యము
మరిగితె నదె ముమ్మాఁటికిని
తిరిగినయందె తిరిగెదననకుమీ
యిరవుగ నితరం బిఁకలేదు గాన
(||pallavi||)
ĕnni saṁdamula nĕṭṭaina nudiṁtu
kannula ninne kanum̐gŏṁṭim̐ gāna
(||ĕnni||)
goviṁdāyani kŏlisina ninne
śhrīvallabhum̐ḍani siṁtiṁtunu
bhūvibhum̐ḍavu yidi punaruktanagumī
daiva mŏgam̐ḍave dharaṇigim̐ gāna
(||ĕnni||)
paramātmum̐ḍavani bhakti sesi ninu
naraharivani dhyānamu sedu
saravulam̐ jarvida sarvaṇamanagumī
arayam̐gam̐ guri yaṁtarātmavu gāna
(||ĕnni||)
saruga śhrīveṁkaḍeśhvara nīdāsyamu
marigidĕ nadĕ mummām̐ṭigini
tiriginayaṁdĕ tirigĕdananagumī
yiravuga nidaraṁ bim̐kaledu gāna