ఎన్ని నోములు నోఁచితి నీతనికిఁ జెలియా
(॥పల్లవి॥)
ఎన్ని నోములు నోఁచితి నీతనికిఁ జెలియా
సన్నలా చాయలా నీకే సతమైనాఁడు
(॥ఎన్ని॥)
తరుణి నీ తలఁచిన తలఁపు నీడేరెనే
వరుసతో విటుఁడు నీవాఁడాయను
సిరుల నీ చనవులు చెల్లించుకొంటివే
యెరవులే కితఁడు నీ యింటనే వున్నాఁడు
(॥ఎన్ని॥)
సేసిన నీ చేతఁలు చెల్లుబళ్లాయనే
సేసవెట్టి నీ మగఁడు సేవగొనెను
వాసితో నీ వలచిన వలపు రతికెక్కెనే
ఆసయిచ్చి నిన్నీతఁడు అన్నిటా మన్నించెను
(॥ఎన్ని॥)
కోరిన నీ కోరికలు కొనసాగి మించెనే
యీరీతి శ్రీవేంకటేశుఁ డిట్టె నిన్నేలె
తారుకాణై నీ చక్కఁదనము ఫలించెనే
మేర మీర కితఁడు నీమీఁద బత్తిగలఁడు
(||pallavi||)
ĕnni nomulu nom̐sidi nīdanigim̐ jĕliyā
sannalā sāyalā nīge sadamainām̐ḍu
(||ĕnni||)
taruṇi nī talam̐sina talam̐pu nīḍerĕne
varusado viḍum̐ḍu nīvām̐ḍāyanu
sirula nī sanavulu sĕlliṁchugŏṁṭive
yĕravule kidam̐ḍu nī yiṁṭane vunnām̐ḍu
(||ĕnni||)
sesina nī sedam̐lu sĕllubaḽlāyane
sesavĕṭṭi nī magam̐ḍu sevagŏnĕnu
vāsido nī valasina valabu radigĕkkĕne
āsayichchi ninnīdam̐ḍu anniḍā manniṁchĕnu
(||ĕnni||)
korina nī korigalu kŏnasāgi miṁchĕne
yīrīdi śhrīveṁkaḍeśhum̐ ḍiṭṭĕ ninnelĕ
tārugāṇai nī sakkam̐danamu phaliṁchĕne
mera mīra kidam̐ḍu nīmīm̐da battigalam̐ḍu