ఎన్నఁడు నే నిఁక బుద్ధెరిఁగేది యీశ్వర నిను నేఁ దగిలెడిది
(॥పల్లవి॥)
ఎన్నఁడు నే నిఁక బుద్ధెరిఁగేది యీశ్వర నిను నేఁ దగిలెడిది
విన్నప మిదియే నీకే భారము వీని గెలువ నా వసమౌనా
(॥ఎన్నఁ॥)
తగిలెడి నీ నయనేంద్రియములు తగఁ జూచిన యందెల్లను
తగిలెడి నీ శ్రవణేంద్రియములు తగిన లోకవార్తలకెల్లా
మగుడఁగ నేరవు జన్మజన్మముల మనసు వీనికే సహాయము
తెగ వెన్నటికిని యింద్రియసంపద తీగెలు సాగుచు నొకటొకటి
(॥ఎన్నఁ॥)
యెక్కెడిని నానాఁటికి మదమెంతైనా నజ్ఞానమున
యెక్కెడి నీసంసారమే హరి యెదుటనే మత్తాయి గొన్నట్లు
చిక్కడెంతయిన మోక్షమార్గమున జీవుఁడిందుకే లోలుఁడు
దిక్కమెకమువలెఁ గిందికి మీఁదికిఁ దిప్పెడిఁ గర్మము దేహమును
(॥ఎన్నఁ॥)
మెఱయుచుఁ బెరిగెడి నీయాసలు గడు మీఁదమీఁద లంపటమగుచు
మఱియునుఁ బెరిగెడి పుణ్యపాపములు మలసి రాసులై పెక్కగుచు
యెఱఁగను శ్రీవేంకటేశ్వర యెంతో ఇఁక నా లోపలి దుర్గ(ర్గు?)ణములు
మఱఁగుచొచ్చితిని నేనిన్నాళ్లకు మరి నాభాగ్యము నీచిత్తము
(||pallavi||)
ĕnnam̐ḍu ne nim̐ka buddhĕrim̐gedi yīśhvara ninu nem̐ dagilĕḍidi
vinnaba midiye nīge bhāramu vīni gĕluva nā vasamaunā
(||ĕnnam̐||)
tagilĕḍi nī nayaneṁdriyamulu tagam̐ jūsina yaṁdĕllanu
tagilĕḍi nī śhravaṇeṁdriyamulu tagina logavārdalagĕllā
maguḍam̐ga neravu janmajanmamula manasu vīnige sahāyamu
tĕga vĕnnaḍigini yiṁdriyasaṁpada tīgĕlu sāgusu nŏgaḍŏgaḍi
(||ĕnnam̐||)
yĕkkĕḍini nānām̐ṭigi madamĕṁtainā najñānamuna
yĕkkĕḍi nīsaṁsārame hari yĕduḍane mattāyi gŏnnaṭlu
sikkaḍĕṁtayina mokṣhamārgamuna jīvum̐ḍiṁduge lolum̐ḍu
dikkamĕgamuvalĕm̐ giṁdigi mīm̐digim̐ dippĕḍim̐ garmamu dehamunu
(||ĕnnam̐||)
mĕṟayusum̐ bĕrigĕḍi nīyāsalu gaḍu mīm̐damīm̐da laṁpaḍamagusu
maṟiyunum̐ bĕrigĕḍi puṇyabābamulu malasi rāsulai pĕkkagusu
yĕṟam̐ganu śhrīveṁkaḍeśhvara yĕṁto im̐ka nā lobali durga(rgu?)ṇamulu
maṟam̐gusŏchchidini neninnāḽlagu mari nābhāgyamu nīsittamu