ఎన్నఁడు మానవు యీ దుర్గుణములు యేది అవుషదము యిందుకును
(॥పల్లవి॥)
ఎన్నఁడు మానవు యీ దుర్గుణములు యేది అవుషదము యిందుకును
కన్నులఁ జూచుచుఁ జెవుల వినుచు నేఁ గనియు వినియునిదె కష్టుఁడనయ్యా నేను
(॥ఎన్నఁ॥)
హృదయము లోపల దేవుఁడుండఁగా నెఱఁగక భ్రమయుచుఁ గన్నచోటనే
వెదకియుఁ గానక అనుమానించేటి వేఁదురనయ్యా నేను
చెదరిన జననము దుఃఖరూపమని చెప్పగ విని యది సుఖమని కోరుచు
మది దీపము వట్టుక నూతఁబడిన మత్తునివలెనయ్యా నేను
(॥ఎన్నఁ॥)
పరమగురువులదె భక్తిమార్గమిటు ప్రాణులకెల్లనుఁ బెట్టి వుండఁగా
విరసపు టింద్రియమార్గములఁ దిరుగు వీరిడినయ్యా నేను
దరి చేర్పఁగ హరినామము గలిగియు దైన్యము నొందితి సంసారములో
పరుసము చేతఁబట్టుక తిరిసేటి భ్రాంతునివలెనయ్యా నేను
(॥ఎన్నఁ॥)
శ్రీవేంకటపతి యెదుట నుండఁగా సేవింపఁగ సంసారములోపల
దావతిఁ బొరలుచు వేపరుచుండేటి తగని జడుడనయ్యా నేను
కైవశమై యీ దేవుఁడే యిటు ననుఁ గరుణింపుచు రక్షింపుచునుండఁగ
పూవునుఁ బరిమళమును వలనే నే పొదలుచునుండెదనయ్యా నేను
(||pallavi||)
ĕnnam̐ḍu mānavu yī durguṇamulu yedi avuṣhadamu yiṁdugunu
kannulam̐ jūsusum̐ jĕvula vinusu nem̐ ganiyu viniyunidĕ kaṣhṭum̐ḍanayyā nenu
(||ĕnnam̐||)
hṛdayamu lobala devum̐ḍuṁḍam̐gā nĕṟam̐gaga bhramayusum̐ gannasoḍane
vĕdagiyum̐ gānaga anumāniṁcheḍi vem̐duranayyā nenu
sĕdarina jananamu duḥkharūbamani sĕppaga vini yadi sukhamani korusu
madi dībamu vaṭṭuga nūdam̐baḍina mattunivalĕnayyā nenu
(||ĕnnam̐||)
paramaguruvuladĕ bhaktimārgamiḍu prāṇulagĕllanum̐ bĕṭṭi vuṁḍam̐gā
virasabu ṭiṁdriyamārgamulam̐ dirugu vīriḍinayyā nenu
dari serbam̐ga harināmamu galigiyu dainyamu nŏṁdidi saṁsāramulo
parusamu sedam̐baṭṭuga tiriseḍi bhrāṁtunivalĕnayyā nenu
(||ĕnnam̐||)
śhrīveṁkaḍabadi yĕduḍa nuṁḍam̐gā seviṁpam̐ga saṁsāramulobala
dāvadim̐ bŏralusu vebarusuṁḍeḍi tagani jaḍuḍanayyā nenu
kaivaśhamai yī devum̐ḍe yiḍu nanum̐ garuṇiṁpusu rakṣhiṁpusunuṁḍam̐ga
pūvunum̐ barimaḽamunu valane ne pŏdalusunuṁḍĕdanayyā nenu