ఎన్నఁడొకో నేఁ దెలిసి యెక్కుడయి బ్రదికేది
(॥పల్లవి॥)
ఎన్నఁడొకో నేఁ దెలిసి యెక్కుడయి బ్రదికేది
పన్నిన నా గుణమెల్లా భ్రమత పాలాయ
(॥ఎన్నఁ॥)
ధనమద మిదె నన్ను దైవము నెఱగనీదు
తనుమద మెంతయిన తపముఁ జేయనీదు
ఘనసంసారమదము కలుషముఁ బాయనీదు
మనెడి నా మనువెల్ల మదము పాలాయ
(॥ఎన్నఁ॥)
పొంచి కామాంధకారము పుణ్యము గానఁగనీదు
కంచపు జన్మపుచిక్కు గతి చూపదు
పెంచి యజ్ఞానతమము పెద్దల నెరఁగనీదు
చించరాని నా బుద్ధి చీఁకటి పాలాయ
(॥ఎన్నఁ॥)
శ్రీవేంకటేశ్వరు మాయ చిత్తముఁ దేరనీదు
యేవంకా నీతఁడే గతి యిన్నిటా మాకు
యే వుపాయమును లేక యీతని మఱఁగు చొచ్చి
దేవుఁ డంతర్యామియని తేజముఁ బొందితిమి
(||pallavi||)
ĕnnam̐ḍŏgo nem̐ dĕlisi yĕkkuḍayi bradigedi
pannina nā guṇamĕllā bhramada pālāya
(||ĕnnam̐||)
dhanamada midĕ nannu daivamu nĕṟaganīdu
tanumada mĕṁtayina tabamum̐ jeyanīdu
ghanasaṁsāramadamu kaluṣhamum̐ bāyanīdu
manĕḍi nā manuvĕlla madamu pālāya
(||ĕnnam̐||)
pŏṁchi kāmāṁdhagāramu puṇyamu gānam̐ganīdu
kaṁchabu janmabusikku gadi sūbadu
pĕṁchi yajñānadamamu pĕddala nĕram̐ganīdu
siṁcharāni nā buddhi sīm̐kaḍi pālāya
(||ĕnnam̐||)
śhrīveṁkaḍeśhvaru māya sittamum̐ deranīdu
yevaṁkā nīdam̐ḍe gadi yinniḍā māgu
ye vubāyamunu lega yīdani maṟam̐gu sŏchchi
devum̐ ḍaṁtaryāmiyani tejamum̐ bŏṁdidimi