(॥పల్లవి॥)
ఎన్నఁ డిఁక యేది గొలఁదిపాటు
వున్నతపు మాయలకే వొడిగట్టవలసె
(॥ఎన్నఁ॥)
చీ చీ మనసా చీ మనసా
కాచేటి పూచేటి వో ఘనజన్మమా
నీచు యెండమావులెల్లా నీళ్లంటా నమ్మినట్టు
చూచి చూచి యింద్రియాలే సుఖమనవలసె
(॥ఎన్నఁ॥)
కట్టా జీవుఁడా కటకటా జీవుఁడా
తొట్టిన పంచభూతాలతోడి దేహమా
వెట్టిఁ జెఱకుపోలికి వెదురు నమలినట్టు
కట్టిన యీ కనకమే బ్రహ్మమనవలెసె
(॥ఎన్నఁ॥)
బాపు బాపు దైవమా భావపు శ్రీవేంకటేశ
చూపుల నాయాతుమలో సుజ్ఞానమా
దోపుచుఁ బూవులవల్ల తుంగ దల కెక్కినట్టు
దాపగు నాలికె నిన్నుఁ దలఁచఁగవలసె
(||pallavi||)
ĕnnam̐ ḍim̐ka yedi gŏlam̐dibāḍu
vunnadabu māyalage vŏḍigaṭṭavalasĕ
(||ĕnnam̐||)
sī sī manasā sī manasā
kāseḍi pūseḍi vo ghanajanmamā
nīsu yĕṁḍamāvulĕllā nīḽlaṁṭā namminaṭṭu
sūsi sūsi yiṁdriyāle sukhamanavalasĕ
(||ĕnnam̐||)
kaṭṭā jīvum̐ḍā kaḍagaḍā jīvum̐ḍā
tŏṭṭina paṁchabhūdāladoḍi dehamā
vĕṭṭim̐ jĕṟaguboligi vĕduru namalinaṭṭu
kaṭṭina yī kanagame brahmamanavalĕsĕ
(||ĕnnam̐||)
bābu bābu daivamā bhāvabu śhrīveṁkaḍeśha
sūbula nāyādumalo sujñānamā
dobusum̐ būvulavalla tuṁga dala kĕkkinaṭṭu
dābagu nāligĕ ninnum̐ dalam̐sam̐gavalasĕ