ఎన్నటికి నీకు జీవుఁడా యిదియె బుద్ధి వో జీవుఁడా
(॥పల్లవి॥)
ఎన్నటికి నీకు జీవుఁడా యిదియె బుద్ధి వో జీవుఁడా
మన్నించిన నీ గురువుల పాదము మఱవకువో వోయి జీవుఁడా
(॥ఎన్న॥)
మాటచెప్పెఁద జీవుఁడా మారు మాఁటలేటికి జీవుఁడా
నాటకంబుల పంచేంద్రియముల నమ్మకు వో వో జీవుఁడా
చాటితిఁ జుమ్మీ జీవుఁడా నీకుఁజాటువో హరిభక్తి జీవుఁడా
కూటువగూడిన కామక్రోధాదులఁ గూడకువో వోయిజీవుఁడా
(॥ఎన్న॥)
ఎప్పుడు మనసులో జీవుఁడా హరిఁ దప్పక తలఁచవో జీవుఁడా
తప్పుఁదెరువుల దేవతాంతరాలు దడవకువో వోయిజీవుఁడా
దప్పిఁబడనేల జీవుడా నీవు ధన్యుఁడ వవుదు వోజీవుఁడా
చిప్పిలువేడుక శ్రీవెంకటనాథు సేవించవో వోయిజీవుఁడా
(||pallavi||)
ĕnnaḍigi nīgu jīvum̐ḍā yidiyĕ buddhi vo jīvum̐ḍā
manniṁchina nī guruvula pādamu maṟavaguvo voyi jīvum̐ḍā
(||ĕnna||)
māḍasĕppĕm̐da jīvum̐ḍā māru mām̐ṭaleḍigi jīvum̐ḍā
nāḍagaṁbula paṁcheṁdriyamula nammagu vo vo jīvum̐ḍā
sāḍidim̐ jummī jīvum̐ḍā nīgum̐jāḍuvo haribhakti jīvum̐ḍā
kūḍuvagūḍina kāmakrodhādulam̐ gūḍaguvo voyijīvum̐ḍā
(||ĕnna||)
ĕppuḍu manasulo jīvum̐ḍā harim̐ dappaga talam̐savo jīvum̐ḍā
tappum̐dĕruvula devadāṁtarālu daḍavaguvo voyijīvum̐ḍā
dappim̐baḍanela jīvuḍā nīvu dhanyum̐ḍa vavudu vojīvum̐ḍā
sippiluveḍuga śhrīvĕṁkaḍanāthu seviṁchavo voyijīvum̐ḍā