(॥పల్లవి॥)
ఏణనయనల చూపులెంత సొబగైయుండు
ప్రాణసంకటములగు పనులు నట్లుండు
(॥ఏణ॥)
ఎడలేని పరితాప మేరీతిఁ దానుండు
అడియాస కోరికలు నటువలెనె యుండు
కడలేని దుఃఖసంగతి యెట్లుఁ దానుండు
అడరు సంసారంబు నట్లనే వుండు
(॥ఏణ॥)
చింతా పరంపరలఁ జిత్తమిది యెట్లుండు
వంతఁ దొలఁగన మోహవశము నట్లుండు
మంతనపుఁ బనులపయి మనసు మరియెట్లుండు
కంతుశరమార్గముల గతి యట్లనుండు
(॥ఏణ॥)
దేవుఁడొక్కఁడె యనెడి తెలివి దనకెట్లుండు
శ్రీవేంకటేశు కృపచేత లట్లుండు
భావగోచరమైన పరిణతది యెట్లుండు
కైవల్యసౌఖ్య సంగతులు నట్లుండు
(||pallavi||)
eṇanayanala sūbulĕṁta sŏbagaiyuṁḍu
prāṇasaṁkaḍamulagu panulu naṭluṁḍu
(||eṇa||)
ĕḍaleni paridāba merīdim̐ dānuṁḍu
aḍiyāsa korigalu naḍuvalĕnĕ yuṁḍu
kaḍaleni duḥkhasaṁgadi yĕṭlum̐ dānuṁḍu
aḍaru saṁsāraṁbu naṭlane vuṁḍu
(||eṇa||)
siṁtā paraṁparalam̐ jittamidi yĕṭluṁḍu
vaṁtam̐ dŏlam̐gana mohavaśhamu naṭluṁḍu
maṁtanabum̐ banulabayi manasu mariyĕṭluṁḍu
kaṁtuśharamārgamula gadi yaṭlanuṁḍu
(||eṇa||)
devum̐ḍŏkkam̐ḍĕ yanĕḍi tĕlivi danagĕṭluṁḍu
śhrīveṁkaḍeśhu kṛpaseda laṭluṁḍu
bhāvagosaramaina pariṇadadi yĕṭluṁḍu
kaivalyasaukhya saṁgadulu naṭluṁḍu