(॥పల్లవి॥)
ఏనాఁటి కేనాడు యేమనేవు
నీ నాటకములెల్ల నీకే తెలును
(॥ఏనా॥)
దగ్గరి నీగుణములు తలపోయుచుండఁగాను
కగ్గి నీతో నెరుపేటి గర్వమనేవు
సిగ్గుపడి యప్పటిని చెక్కు చేతనుండఁగాను
ఆగ్గలమై చింతించే అలుకలనేవు
(॥ఏనా॥)
పొదిగి నీచేఁతలెల్ల పొగడుతానుండఁగాను
వెదకి వెదకి యాడేవెంగమనేవు
నిదురకన్నులతోడ నిన్నుఁ గొంత చూడఁగాను
గుదిగుచ్చి కుమ్మరించే కోపమనేవు
(॥ఏనా॥)
కలిసి మెలసి నిన్నుఁ గాఁగిలించుకొనఁగాను
నెలి పెనఁగి బిగిసితిననేవు
బలిమి శ్రీవేంకటేశ పైకొని కూడితి నన్ను
మలసి మెచ్చితే నిన్ను మతకమనేవు
(||pallavi||)
enām̐ṭi kenāḍu yemanevu
nī nāḍagamulĕlla nīge tĕlunu
(||enā||)
daggari nīguṇamulu talaboyusuṁḍam̐gānu
kaggi nīdo nĕrubeḍi garvamanevu
siggubaḍi yappaḍini sĕkku sedanuṁḍam̐gānu
āggalamai siṁtiṁche alugalanevu
(||enā||)
pŏdigi nīsem̐talĕlla pŏgaḍudānuṁḍam̐gānu
vĕdagi vĕdagi yāḍevĕṁgamanevu
niduragannuladoḍa ninnum̐ gŏṁta sūḍam̐gānu
gudiguchchi kummariṁche kobamanevu
(||enā||)
kalisi mĕlasi ninnum̐ gām̐giliṁchugŏnam̐gānu
nĕli pĕnam̐gi bigisidinanevu
balimi śhrīveṁkaḍeśha paigŏni kūḍidi nannu
malasi mĕchchide ninnu madagamanevu