(॥పల్లవి॥)
ఏఁటికిఁ జేరీ నేమితఁడు
నాఁటించి రతి నన్నేలె
(॥ఏఁటి॥)
కన్నుల మొక్కీఁ గానుకలంపీ -
నెన్నటికెన్నఁడిదేమితఁడు
నిన్నట నుండియు నెయ్యమె పెంచీ
నన్నేలీతఁడు నవ్వీనే
(॥ఏఁటి॥)
పువ్వుల వేసీఁ బొంచుక లాసీ-
నెవ్వరికెవ్వరిదేమితఁడు
దవ్వుల నున్నాఁ దాపము రేఁచీ
రవ్వలనే కడు రాసీనే
(॥ఏఁటి॥)
కంపులె పూసీఁ గౌఁగిట మూసీ-
నింపులు నేసీనేమితఁడు
చెంపల చెమటల శ్రీ వేంకటేశుఁడు
అంపరాని విభుఁడాయఁ గదే
(||pallavi||)
em̐ṭigim̐ jerī nemidam̐ḍu
nām̐ṭiṁchi radi nannelĕ
(||em̐ṭi||)
kannula mŏkkīm̐ gānugalaṁpī -
nĕnnaḍigĕnnam̐ḍidemidam̐ḍu
ninnaḍa nuṁḍiyu nĕyyamĕ pĕṁchī
nannelīdam̐ḍu navvīne
(||em̐ṭi||)
puvvula vesīm̐ bŏṁchuga lāsī-
nĕvvarigĕvvaridemidam̐ḍu
davvula nunnām̐ dābamu rem̐sī
ravvalane kaḍu rāsīne
(||em̐ṭi||)
kaṁpulĕ pūsīm̐ gaum̐giḍa mūsī-
niṁpulu nesīnemidam̐ḍu
sĕṁpala sĕmaḍala śhrī veṁkaḍeśhum̐ḍu
aṁparāni vibhum̐ḍāyam̐ gade