ఏఁటికి విచ్చేసితివో యెట్టుదెలుసు మాతో
(॥పల్లవి॥)
ఏఁటికి విచ్చేసితివో యెట్టుదెలుసు మాతో
మాటలాడఁగా నీకు మాటవచ్చీఁ జుమ్మీ
(॥ఏటి॥)
అప్పన గొంటివో లేదొ ఆకెచేత నేఁడైనా
ఇప్పుడే మాయింటిదాఁక నేఁగేనంటా
యిప్పటి యీతమకాన యింతలోని పనికిఁగా
చెప్పక వచ్చిననాకె చేరనీదు సుమ్మీ
(॥ఏటి॥)
అనుచరించితో లేదో ఆకెనో ముందరనైనా
వెనక నాతోడ నవ్వేవు గాని
ఘనుఁడు వూరకే నన్నుఁ గదిసేవు కడుఁబై-
కొనఁగ నాకె విన్న కోపగించుఁ జుమ్మీ
(॥ఏటి॥)
ఆరగించితో లేదో ఆకెపొత్తుననే యింత
గారవము లేక మోము కళదేరదు
చేరి కూడితివి నన్ను శ్రీ వేంకటేశుఁడ యింత-
యీరసాన నాకె విన్న యేమనునో సుమ్మీ
(||pallavi||)
em̐ṭigi vichchesidivo yĕṭṭudĕlusu mādo
māḍalāḍam̐gā nīgu māḍavachchīm̐ jummī
(||eḍi||)
appana gŏṁṭivo ledŏ āgĕseda nem̐ḍainā
ippuḍe māyiṁṭidām̐ka nem̐genaṁṭā
yippaḍi yīdamagāna yiṁtaloni panigim̐gā
sĕppaga vachchinanāgĕ seranīdu summī
(||eḍi||)
anusariṁchido ledo āgĕno muṁdaranainā
vĕnaga nādoḍa navvevu gāni
ghanum̐ḍu vūrage nannum̐ gadisevu kaḍum̐bai-
kŏnam̐ga nāgĕ vinna kobagiṁchum̐ jummī
(||eḍi||)
āragiṁchido ledo āgĕbŏttunane yiṁta
gāravamu lega momu kaḽaderadu
seri kūḍidivi nannu śhrī veṁkaḍeśhum̐ḍa yiṁta-
yīrasāna nāgĕ vinna yemanuno summī