(॥పల్లవి॥)
ఏఁటికి వేగిరపడే వింతలో నీవు
మేఁటిరమణుఁడ నిన్నె మెప్పించిఁ గాకా
(॥ఏఁటి॥)
మచ్చికసేసినచెలి మాటలాడకమానీనా
దిచ్చరి నీతలఁపులు దెలిసీఁగాక
యిచ్చకము నీవాడఁగా నియ్యకొనకుండీనా
కచ్చుపెట్టి కొంతగొంత కైకొనీఁగాక
(॥ఏఁటి॥)
దగ్గరి వచ్చినచెలి తప్పకచూడకుండీనా
సిగ్గులు నీపైఁ గొంత చిమ్మీఁగాక
వొగ్గి విడెమిచ్చినాపె వోపననీనా యిఁక
నిగ్గులవలపు నీకు నేరిపీఁగాక
(॥ఏఁటి॥)
చేకొని కూడినమీఁద సేవసేయకమానీనా
యీకడ ముందువెనక లెంచీఁగాక
శ్రీకాంతనేలితివి శ్రీవెంకటేశ్వర నేఁడు
మాకొరకు నిన్నాపె సమ్మతింపించీఁగాక
(||pallavi||)
em̐ṭigi vegirabaḍe viṁtalo nīvu
mem̐ṭiramaṇum̐ḍa ninnĕ mĕppiṁchim̐ gāgā
(||em̐ṭi||)
machchigasesinasĕli māḍalāḍagamānīnā
dichchari nīdalam̐pulu dĕlisīm̐gāga
yichchagamu nīvāḍam̐gā niyyagŏnaguṁḍīnā
kachchubĕṭṭi kŏṁtagŏṁta kaigŏnīm̐gāga
(||em̐ṭi||)
daggari vachchinasĕli tappagasūḍaguṁḍīnā
siggulu nībaim̐ gŏṁta simmīm̐gāga
vŏggi viḍĕmichchinābĕ vobananīnā yim̐ka
niggulavalabu nīgu neribīm̐gāga
(||em̐ṭi||)
segŏni kūḍinamīm̐da sevaseyagamānīnā
yīgaḍa muṁduvĕnaga lĕṁchīm̐gāga
śhrīgāṁtanelidivi śhrīvĕṁkaḍeśhvara nem̐ḍu
māgŏragu ninnābĕ sammadiṁpiṁchīm̐gāga