ఏఁటికె యిందరూ నన్ని యెరిఁగిన పనులకు
(॥పల్లవి॥)
ఏఁటికె యిందరూ నన్ని యెరిఁగిన పనులకు
నాటకములు నాతోను నడపఁగవలెనా
(॥ఏఁటి॥)
దవ్వులనున్న కోపము దగ్గరినప్పుడులేదు
యివ్వలనుండి విభుని నేల తిట్టేవె
చివ్వన నాతఁడువచ్చి చేయివట్టి తీసితేను
నవ్వకుండఁ గలవా నే నవ్వుదుఁ బో అపుడు
(॥ఏఁటి॥)
ముంగిటఁ బెట్టిన వొట్టు మూలకుఁ బోతేలేదు
యింగితానఁ బతినేల యెత్తిపెట్టేవె
వుంగిటినాతఁడు నీతో నొడివట్టి పెనఁగితే
నంగవించవా నే ని న్నాడుదుఁ బో అపుడు
(॥ఏఁటి॥)
కనుబొమ్మ యీజంకెలు కాఁగిటిలోనికిలేదు
యెనసె శ్రీవెంకటేశు నేల దూరేవె
ఘనుఁ డాతఁడిదె నిన్నుఁ గరఁగించి కొసరితే
చనవీకుందువా ని న్నెచ్చరింతుఁ బో అపుడు
(||pallavi||)
em̐ṭigĕ yiṁdarū nanni yĕrim̐gina panulagu
nāḍagamulu nādonu naḍabam̐gavalĕnā
(||em̐ṭi||)
davvulanunna kobamu daggarinappuḍuledu
yivvalanuṁḍi vibhuni nela tiṭṭevĕ
sivvana nādam̐ḍuvachchi seyivaṭṭi tīsidenu
navvaguṁḍam̐ galavā ne navvudum̐ bo abuḍu
(||em̐ṭi||)
muṁgiḍam̐ bĕṭṭina vŏṭṭu mūlagum̐ bodeledu
yiṁgidānam̐ badinela yĕttibĕṭṭevĕ
vuṁgiḍinādam̐ḍu nīdo nŏḍivaṭṭi pĕnam̐gide
naṁgaviṁchavā ne ni nnāḍudum̐ bo abuḍu
(||em̐ṭi||)
kanubŏmma yījaṁkĕlu kām̐giḍilonigiledu
yĕnasĕ śhrīvĕṁkaḍeśhu nela dūrevĕ
ghanum̐ ḍādam̐ḍidĕ ninnum̐ garam̐giṁchi kŏsaride
sanavīguṁduvā ni nnĕchchariṁtum̐ bo abuḍu