ఏఁటికయ్య మాఁటలు యింకా తాటతూఁటలు
(॥పల్లవి॥)
ఏఁటికయ్య మాఁటలు యింకా తాటతూఁటలు
యీటువెట్టుకొని నిన్ను నే మనేము నేము
(॥ఏఁటి॥)
చెంగట నీవు సేసిన చేఁతలు లే వనఁగాను
అంగమెల్లఁ జెమరించె నందుకుఁగానె
సింగారపు నీ మేని చిందువందు లెల్లఁ జూచి
యింగితానఁ బులకించె నిందుకుఁగానె
(॥ఏఁటి॥)
నెట్టునఁ గొత్తలుగొన్ని నేరుచుక వుండఁగానె
అట్టె వుసురంటి నే నందుకుఁగానె
వొట్టువెట్టుక నిన్ను వొడివట్టి తియ్యఁగాను
యెట్టకేల కియ్యకొంటి నిందుకుఁగానె
(॥ఏఁటి॥)
గక్కనఁ గాఁగిట నన్నుఁ గాఁగిలించి కూడఁగానె
అక్కరతో నియ్యకొంటి నందుకుఁగానె
మక్కువ శ్రీవెంకటేశ మంచితనాలు సేయఁగ
యిక్కువలంటి మొక్కితి నిందుకుఁగానె
(||pallavi||)
em̐ṭigayya mām̐ṭalu yiṁkā tāḍadūm̐ṭalu
yīḍuvĕṭṭugŏni ninnu ne manemu nemu
(||em̐ṭi||)
sĕṁgaḍa nīvu sesina sem̐talu le vanam̐gānu
aṁgamĕllam̐ jĕmariṁchĕ naṁdugum̐gānĕ
siṁgārabu nī meni siṁduvaṁdu lĕllam̐ jūsi
yiṁgidānam̐ bulagiṁchĕ niṁdugum̐gānĕ
(||em̐ṭi||)
nĕṭṭunam̐ gŏttalugŏnni nerusuga vuṁḍam̐gānĕ
aṭṭĕ vusuraṁṭi ne naṁdugum̐gānĕ
vŏṭṭuvĕṭṭuga ninnu vŏḍivaṭṭi tiyyam̐gānu
yĕṭṭagela kiyyagŏṁṭi niṁdugum̐gānĕ
(||em̐ṭi||)
gakkanam̐ gām̐giḍa nannum̐ gām̐giliṁchi kūḍam̐gānĕ
akkarado niyyagŏṁṭi naṁdugum̐gānĕ
makkuva śhrīvĕṁkaḍeśha maṁchidanālu seyam̐ga
yikkuvalaṁṭi mŏkkidi niṁdugum̐gānĕ