(॥పల్లవి॥)
ఏఁటిదో నీచిత్తము నేమెఱఁగమయ్య
వాఁటమైన వెల్లవిరివారమయ్యా
(॥ఏఁటి॥)
సిగ్గుపడితిమింతతో సెలవి నీవు నవ్వఁగా
యెగ్గొ తప్పొ యేమంటినో యెరఁగమయ్య
దగ్గరి సేవ సేసితి తగినదొరవు నీవు
నిగ్గులఁ గుచ్చితములు నేరమయ్య
(॥ఏఁటి॥)
మోరగందితినింతలో వేఁడుకొనే నిన్నుఁజూచి
మొరఁగులిందేమున్నవో మొక్కేమయ్య
మరినీకు లోనయితి మంచిదేవరవు నీవు
మెరసి నీతోఁ బెనఁగ మేము నేరమయ్య
(॥ఏఁటి॥)
చెమరించితివి నీవు చేరి నన్నుఁ గూడఁగాను
తమకమా తడఁబాటో తలఁచమయ్య
అమర శ్రీవెంకటేశ అలమేల్మంగను నేను
అమరిన రతికడ్డమాడమయ్య
(||pallavi||)
em̐ṭido nīsittamu nemĕṟam̐gamayya
vām̐ṭamaina vĕllavirivāramayyā
(||em̐ṭi||)
siggubaḍidimiṁtado sĕlavi nīvu navvam̐gā
yĕggŏ tappŏ yemaṁṭino yĕram̐gamayya
daggari seva sesidi taginadŏravu nīvu
niggulam̐ guchchidamulu neramayya
(||em̐ṭi||)
moragaṁdidiniṁtalo vem̐ḍugŏne ninnum̐jūsi
mŏram̐guliṁdemunnavo mŏkkemayya
marinīgu lonayidi maṁchidevaravu nīvu
mĕrasi nīdom̐ bĕnam̐ga memu neramayya
(||em̐ṭi||)
sĕmariṁchidivi nīvu seri nannum̐ gūḍam̐gānu
tamagamā taḍam̐bāḍo talam̐samayya
amara śhrīvĕṁkaḍeśha alamelmaṁganu nenu
amarina radigaḍḍamāḍamayya