ఏఁటి నేను యేఁటి బుద్ధి యెక్కడి మాయ
(॥పల్లవి॥)
ఏఁటి నేను యేఁటి బుద్ధి యెక్కడి మాయ
వీటిఁ బొయ్యే వెఱ్ఱిఁ గాను వివేకిఁ గాను
(॥ఏఁటి॥)
ఆరసి కర్మము సేసి అవి(ది?) నన్నుఁ బొదిగితే
దూరుదుఁ గర్మము గొంది దూరుచు నేను
నేరక లంపటములు నేనే కొన్నిగట్టుకొని
పేరడిఁ బరులనందుఁ బెట్టరంటాను
(॥ఏఁటి॥)
యెక్కుడు నా దోషములు యెన్నైనా వుండఁగాను
వొక్కరి పాపము లెంతు వూరకే నేను
తిక్కవట్టి నాకు నాకే దేవతలకెల్లా మొక్కి
వొక్కరివాఁడఁ గాకుందు వుస్సురనుకొంటాను
(॥ఏఁటి॥)
విరతిఁ బొందుదుఁ గొంత వేరే సంసారముఁ జేతు
యెరవులవాఁడనే యెప్పుడు నేను
అరిది శ్రీవేంకటేశుఁ డంతలో నన్ను నేలఁగా
దొరనైతి నధముఁడఁ దొల్లే నేను
(||pallavi||)
em̐ṭi nenu yem̐ṭi buddhi yĕkkaḍi māya
vīḍim̐ bŏyye vĕṭrim̐ gānu vivegim̐ gānu
(||em̐ṭi||)
ārasi karmamu sesi avi(di?) nannum̐ bŏdigide
dūrudum̐ garmamu gŏṁdi dūrusu nenu
neraga laṁpaḍamulu nene kŏnnigaṭṭugŏni
peraḍim̐ barulanaṁdum̐ bĕṭṭaraṁṭānu
(||em̐ṭi||)
yĕkkuḍu nā doṣhamulu yĕnnainā vuṁḍam̐gānu
vŏkkari pābamu lĕṁtu vūrage nenu
tikkavaṭṭi nāgu nāge devadalagĕllā mŏkki
vŏkkarivām̐ḍam̐ gāguṁdu vussuranugŏṁṭānu
(||em̐ṭi||)
viradim̐ bŏṁdudum̐ gŏṁta vere saṁsāramum̐ jedu
yĕravulavām̐ḍane yĕppuḍu nenu
aridi śhrīveṁkaḍeśhum̐ ḍaṁtalo nannu nelam̐gā
dŏranaidi nadhamum̐ḍam̐ dŏlle nenu