ఎంతవాఁడవయ్య నీవు యేమని పొగడుదును
(॥పల్లవి॥)
ఎంతవాఁడవయ్య నీవు యేమని పొగడుదును
పొంతనే నీ మేలక్కునఁ బోసి చూపవచ్చును
(॥ఎంత॥)
గొంటరిసతులు నిన్నుఁ గొసరుదురింతెకాని
నంటున నీబాసలన్నీ నమ్మవచ్చును
వొంటిఁ జిక్కించుక నిన్నునొరయుదురింతెకాని
జంట నీమంచితనాలు చాటించవచ్చును
(॥ఎంత॥)
నాలికత్తెలు నీమాఁట నవ్వుదురింతెకాని
వాలాయించి మంత్రముగా వ్రాయవచ్చును
పోలించి మంచిగుణాలు బోధించవత్తురుగాని
మేలిమి నీకీర్తెల్లా మెఱయించవచ్చును
(॥ఎంత॥)
తక్కరికాంతలు నీతో తమకింతురింతె కాని
పెక్కు నీరతులు దొంతిఁ బెట్టవచ్చును
అక్కరతో శ్రీ వెంకటాధిప నన్నేలితివి
వెక్కసపు నీమహిమ వెలయించవచ్చును
(||pallavi||)
ĕṁtavām̐ḍavayya nīvu yemani pŏgaḍudunu
pŏṁtane nī melakkunam̐ bosi sūbavachchunu
(||ĕṁta||)
gŏṁṭarisadulu ninnum̐ gŏsaruduriṁtĕgāni
naṁṭuna nībāsalannī nammavachchunu
vŏṁṭim̐ jikkiṁchuga ninnunŏrayuduriṁtĕgāni
jaṁṭa nīmaṁchidanālu sāḍiṁchavachchunu
(||ĕṁta||)
nāligattĕlu nīmām̐ṭa navvuduriṁtĕgāni
vālāyiṁchi maṁtramugā vrāyavachchunu
poliṁchi maṁchiguṇālu bodhiṁchavatturugāni
melimi nīgīrdĕllā mĕṟayiṁchavachchunu
(||ĕṁta||)
takkarigāṁtalu nīdo tamagiṁturiṁtĕ kāni
pĕkku nīradulu dŏṁtim̐ bĕṭṭavachchunu
akkarado śhrī vĕṁkaḍādhiba nannelidivi
vĕkkasabu nīmahima vĕlayiṁchavachchunu