ఎంతవాఁడవయ్య నీవు యేమని పొగడుదుము
(॥పల్లవి॥)
ఎంతవాఁడవయ్య నీవు యేమని పొగడుదుము
చెంతలఁ గూర్చున్నదాని సిగ్గులు దేర్చితివి
(॥ఎంత॥)
మాఁటలఁ బందిలివెట్టి మగువపాదము మెట్టి
గీఁటుచు కొనగోరను గిలుకొట్టి
మేఁటిరమణుఁడాకె మెరుఁగుఁజన్నులు ముట్టి
పాటించి ముద్దరాలిని ప్రౌఢఁ జేసితివి
(॥ఎంత॥)
పెనువేల మెచ్చు మెచ్చి ప్రియముతోఁ జనవిచ్చి
ననుపు సరసముల నమ్మికలిచ్చి
పనివడి నీవాకె పయ్యదకొంగు వచ్చి
కనుకలిఁ గన్నెఁ దెచ్చి కలికిఁ జేసితివి
(॥ఎంత॥)
కందువలఁ బేరువారి కాఁగిటికూటము మీరి
మందపు నవ్వులనే మందులు నూరి
అందపు శ్రీ వెంకటేశ ఆపెనిట్టె కోరి కోరి
విందులనే బాలఁదెచ్చి వెకలిఁ జేసితివి
(||pallavi||)
ĕṁtavām̐ḍavayya nīvu yemani pŏgaḍudumu
sĕṁtalam̐ gūrsunnadāni siggulu dersidivi
(||ĕṁta||)
mām̐ṭalam̐ baṁdilivĕṭṭi maguvabādamu mĕṭṭi
gīm̐ṭusu kŏnagoranu gilugŏṭṭi
mem̐ṭiramaṇum̐ḍāgĕ mĕrum̐gum̐jannulu muṭṭi
pāḍiṁchi muddarālini prauḍham̐ jesidivi
(||ĕṁta||)
pĕnuvela mĕchchu mĕchchi priyamudom̐ janavichchi
nanubu sarasamula nammigalichchi
panivaḍi nīvāgĕ payyadagŏṁgu vachchi
kanugalim̐ gannĕm̐ dĕchchi kaligim̐ jesidivi
(||ĕṁta||)
kaṁduvalam̐ beruvāri kām̐giḍigūḍamu mīri
maṁdabu navvulane maṁdulu nūri
aṁdabu śhrī vĕṁkaḍeśha ābĕniṭṭĕ kori kori
viṁdulane bālam̐dĕchchi vĕgalim̐ jesidivi