ఎంతని పొగడవచ్చు నిటువంటి మీ గుణాలు
(॥పల్లవి॥)
ఎంతని పొగడవచ్చు నిటువంటి మీ గుణాలు
సంతతముఁ జూచి మాకు సంతోసములాయను
(॥ఎంత॥)
సరసురాలవు నీవు జాణకాఁ డాతఁడు మరి
సరవు లిద్దరికిని సమకూడెను
వొరపరిచేఁత నీది వొద్దికెల్లా నాతనిది
సరికి బేసికి మీ సంగాతాలు చెల్లును
(॥ఎంత॥)
వలపులు నీ సొమ్ము వాడికెల్లా నాతనిది
తలఁపులు మీలో మీకుఁ దారుకాణలే
పిలుపులు నీ పాలు ప్రియము లాతనిపాలు
కలిగిన మీ వేడుకలు ఫలియించెను
(॥ఎంత॥)
నగ నీవు నేరుతువు నను పాతఁడు నేరుచు
నిగిడి మీ రతులెల్లా నెరవేరెను
జిగి దేవులవు నీవు శ్రీవేంకటేశుఁ డాతఁడు
మిగులాఁ జుట్టరికము మెరసెను మీకును
(||pallavi||)
ĕṁtani pŏgaḍavachchu niḍuvaṁṭi mī guṇālu
saṁtadamum̐ jūsi māgu saṁtosamulāyanu
(||ĕṁta||)
sarasurālavu nīvu jāṇagām̐ ḍādam̐ḍu mari
saravu liddarigini samagūḍĕnu
vŏrabarisem̐ta nīdi vŏddigĕllā nādanidi
sarigi besigi mī saṁgādālu sĕllunu
(||ĕṁta||)
valabulu nī sŏmmu vāḍigĕllā nādanidi
talam̐pulu mīlo mīgum̐ dārugāṇale
pilubulu nī pālu priyamu lādanibālu
kaligina mī veḍugalu phaliyiṁchĕnu
(||ĕṁta||)
naga nīvu neruduvu nanu pādam̐ḍu nerusu
nigiḍi mī radulĕllā nĕraverĕnu
jigi devulavu nīvu śhrīveṁkaḍeśhum̐ ḍādam̐ḍu
migulām̐ juṭṭarigamu mĕrasĕnu mīgunu