ఎంతని పొగడవచ్చు నితని ప్రతాపము
(॥పల్లవి॥)
ఎంతని పొగడవచ్చు నితని ప్రతాపము
పంతములెల్లా మెరసి ప్రతాపించీ వాఁడే
(॥ఎంత॥)
చేతులనే పెరికి సంజీవి కొండ దెచ్చినాఁడు
ఆతఁడువో తొల్లి పెద్ద హనుమంతుఁడు
ఘాతలఁ దానొక్కఁడే లంక సాధించి వార్ధి దాఁటి
యీతలకి వచ్చినాఁడు ఇదివో వాఁడే
(॥ఎంత॥)
ముదమున బ్రహ్మ లోకము దాఁకాఁ బెరిగినాఁడు
అదివో ఇప్పుడు పెద్ద హనుమంతుఁడు
వదలక తోఁక చక్రవాళ పర్వతము వెంటా
వుదుటునఁ జుట్టుకొని వున్నాఁడు వాఁడే
(॥ఎంత॥)
మెల్లనే జంగ చాఁచి మెడ నిక్కించుకొన్నాఁడు
అల్లదివో మించే పెద్ద హనుమంతుఁడు
వెల్లవిరైనాఁడు శ్రీ వేంకటేశ్వరుని బంటై
చల్లఁగా లోకములేలీ సంతతము వాఁడే
(||pallavi||)
ĕṁtani pŏgaḍavachchu nidani pradābamu
paṁtamulĕllā mĕrasi pradābiṁchī vām̐ḍe
(||ĕṁta||)
sedulane pĕrigi saṁjīvi kŏṁḍa dĕchchinām̐ḍu
ādam̐ḍuvo tŏlli pĕdda hanumaṁtum̐ḍu
ghādalam̐ dānŏkkam̐ḍe laṁka sādhiṁchi vārdhi dām̐ṭi
yīdalagi vachchinām̐ḍu idivo vām̐ḍe
(||ĕṁta||)
mudamuna brahma logamu dām̐kām̐ bĕriginām̐ḍu
adivo ippuḍu pĕdda hanumaṁtum̐ḍu
vadalaga tom̐ka sakravāḽa parvadamu vĕṁṭā
vuduḍunam̐ juṭṭugŏni vunnām̐ḍu vām̐ḍe
(||ĕṁta||)
mĕllane jaṁga sām̐si mĕḍa nikkiṁchugŏnnām̐ḍu
alladivo miṁche pĕdda hanumaṁtum̐ḍu
vĕllavirainām̐ḍu śhrī veṁkaḍeśhvaruni baṁṭai
sallam̐gā logamulelī saṁtadamu vām̐ḍe