(॥పల్లవి॥)
ఎంతైన దొలఁగవై తేదైన నామతికి
వింతచవి సేతుగా విషయబుద్ధి
(॥ఎంతై॥)
ఎనసి జన్మముల నే నెట్ల నుండిన బోక
వెనకఁ దిరుగుదువు గా విషయబుద్ధి
అనువైనయనుభవన లనుభవించఁగఁ జేసి
వెనక మఱపింతుగా విషయబుద్ధి
(॥ఎంతై॥)
కెఱలి కాంతలు నేనుఁ గినిసిననుఁ బొలయలుక
విఱిచి కలపుదువుగా విషయబుద్ధి
తఱితోడ వావివ ర్తనదలంచిననన్ను
వెఱపు దెలుపుదువుగా విషయబుద్ధి
(॥ఎంతై॥)
యెడలేనియాపదల నెట్లువొరలిన నన్ను
విడిచిపోవైతిగా విషయబుద్ధి
సడిఁబెట్టి వేంకటస్వామికృపచే నిన్ను
విడిపించవలసెఁగా విషయబుద్ధి
(||pallavi||)
ĕṁtaina dŏlam̐gavai tedaina nāmadigi
viṁtasavi sedugā viṣhayabuddhi
(||ĕṁtai||)
ĕnasi janmamula ne nĕṭla nuṁḍina boga
vĕnagam̐ diruguduvu gā viṣhayabuddhi
anuvainayanubhavana lanubhaviṁcham̐gam̐ jesi
vĕnaga maṟabiṁtugā viṣhayabuddhi
(||ĕṁtai||)
kĕṟali kāṁtalu nenum̐ ginisinanum̐ bŏlayaluga
viṟisi kalabuduvugā viṣhayabuddhi
taṟidoḍa vāviva rdanadalaṁchinanannu
vĕṟabu dĕlubuduvugā viṣhayabuddhi
(||ĕṁtai||)
yĕḍaleniyābadala nĕṭluvŏralina nannu
viḍisibovaidigā viṣhayabuddhi
saḍim̐bĕṭṭi veṁkaḍasvāmikṛpase ninnu
viḍibiṁchavalasĕm̐gā viṣhayabuddhi