ఎంతకెంత నా దిక్కు యేమి చూచేవు
(॥పల్లవి॥)
ఎంతకెంత నా దిక్కు యేమి చూచేవు
కాంతుఁడవు నాకు ఆపె గలయంతకాలము
(॥ఎంత॥)
మఱి వరుస దప్పని మగువవంక గాక నీ
పఱచు గుణాల కెల్లపాటి వున్నదా
యెఱఁగనా నీ సుద్దులు యేల నవ్వే వెన్నటికి
మఱచేవే యాకెఁజూచి మఱచితిఁ గాక
(॥ఎంత॥)
అంగవించి మాటాడేవు ఆపెకు వెఱచే కాక
ముంగిటి నీయంత నీకు మోహమున్నదే
యింగితానఁ గానరాదా యేల మొరఁగేవు నాకు
కంగవద్దా ఆపెఁ జూచే కంగనైతిఁ గాక
(॥ఎంత॥)
కౌఁగిటఁ గూడితి వాపె కనుసన్నలనె కాక
వీఁగి శ్రీ వేంకటాద్రి గోవిందరాజా
చేఁగదేరనింకేల నీ చేఁతలకు గడెవెట్టి
ఆఁగవద్దా ఆపెఁ జూచే ఆఁగనైతిఁ గాక
(||pallavi||)
ĕṁtagĕṁta nā dikku yemi sūsevu
kāṁtum̐ḍavu nāgu ābĕ galayaṁtagālamu
(||ĕṁta||)
maṟi varusa dappani maguvavaṁka gāga nī
paṟasu guṇāla kĕllabāḍi vunnadā
yĕṟam̐ganā nī suddulu yela navve vĕnnaḍigi
maṟaseve yāgĕm̐jūsi maṟasidim̐ gāga
(||ĕṁta||)
aṁgaviṁchi māḍāḍevu ābĕgu vĕṟase kāga
muṁgiḍi nīyaṁta nīgu mohamunnade
yiṁgidānam̐ gānarādā yela mŏram̐gevu nāgu
kaṁgavaddā ābĕm̐ jūse kaṁganaidim̐ gāga
(||ĕṁta||)
kaum̐giḍam̐ gūḍidi vābĕ kanusannalanĕ kāga
vīm̐gi śhrī veṁkaḍādri goviṁdarājā
sem̐gaderaniṁkela nī sem̐talagu gaḍĕvĕṭṭi
ām̐gavaddā ābĕm̐ jūse ām̐ganaidim̐ gāga