(॥పల్లవి॥)
ఎంతటివాఁడవు నిన్ను నేమందును యిట్టె
సంతమైతి వింతితోడ చాలదా నీకు
(॥ఎంత॥)
మాణికపుటుంగరాల మగువ దా వాయించేటి-
వీణలోనే చల్లీఁ దనవిరహమెల్లను
ఏణనయన నింతేసి యెలయించినట్టి నీ-
జాణతనమె యింత చాలదా నీకు
(॥ఎంత॥)
గిలుకుఁగంకణముల కీరవాణి కిన్నెరలో
కులికీనిదె పై కోపమెల్లాను
సొలపుఁ జూపులనిట్టే సుదతినింతేసి నీ-
చలము సాదించితివి చాలదా నీకు
(॥ఎంత॥)
కుంకుమగుబ్బలతోడి కోమలిచెక్కు చెమట-
వంకనే వచ్చీ నీపై వలపెల్లను
వేంకటగిరిరమణ వేడుక నీలలితాంగి
సంకెదేరఁ గూడితివి చాలదా నీకు
(||pallavi||)
ĕṁtaḍivām̐ḍavu ninnu nemaṁdunu yiṭṭĕ
saṁtamaidi viṁtidoḍa sāladā nīgu
(||ĕṁta||)
māṇigabuḍuṁgarāla maguva dā vāyiṁcheḍi-
vīṇalone sallīm̐ danavirahamĕllanu
eṇanayana niṁtesi yĕlayiṁchinaṭṭi nī-
jāṇadanamĕ yiṁta sāladā nīgu
(||ĕṁta||)
gilugum̐gaṁkaṇamula kīravāṇi kinnĕralo
kuligīnidĕ pai kobamĕllānu
sŏlabum̐ jūbulaniṭṭe sudadiniṁtesi nī-
salamu sādiṁchidivi sāladā nīgu
(||ĕṁta||)
kuṁkumagubbaladoḍi komalisĕkku sĕmaḍa-
vaṁkane vachchī nībai valabĕllanu
veṁkaḍagiriramaṇa veḍuga nīlalidāṁgi
saṁkĕderam̐ gūḍidivi sāladā nīgu