ఎంతటివాఁడవు నిన్ను నేమందును
(॥పల్లవి॥)
ఎంతటివాఁడవు నిన్ను నేమందును
కాంతలకు మాకుఁ దొల్లి కారణము గలదా
(॥ఎంత॥)
ఆపె నీకె మొక్కనీ ఆపెకు నీవైనా మొక్కు
కేపున మాకేఁటికి మొక్కించేవయ్యా
యేపున నే నేమంటి యీయింతి నన్నేమనె
చేపట్టి నీకొర కింత సేసేవు గాకా
(॥ఎంత॥)
ఆవిడెము నీ వందుకో నీవిడె మట్టె పెట్టు
యీవల నెవ్వరి విడే లేమి సేసేము
యేవూరి యక్కను నేను యేవూరి చెల్లె లాపె
వావులు నీవల్ల నింతవచ్చె నింతె కాకా
(॥ఎంత॥)
చేయివట్టి తియ్యనీ చేసన్న నీవు సేయి
బాయిట మ మ్మెపుడూనుఁ బట్టవద్దు
పాయ వలమేల్మంగను పైకొంటి శ్రీవెంకటేశ
కాయకపువారి నీవే కట్టుకొందు గాకా
(||pallavi||)
ĕṁtaḍivām̐ḍavu ninnu nemaṁdunu
kāṁtalagu māgum̐ dŏlli kāraṇamu galadā
(||ĕṁta||)
ābĕ nīgĕ mŏkkanī ābĕgu nīvainā mŏkku
kebuna māgem̐ṭigi mŏkkiṁchevayyā
yebuna ne nemaṁṭi yīyiṁti nannemanĕ
sebaṭṭi nīgŏra kiṁta sesevu gāgā
(||ĕṁta||)
āviḍĕmu nī vaṁdugo nīviḍĕ maṭṭĕ pĕṭṭu
yīvala nĕvvari viḍe lemi sesemu
yevūri yakkanu nenu yevūri sĕllĕ lābĕ
vāvulu nīvalla niṁtavachchĕ niṁtĕ kāgā
(||ĕṁta||)
seyivaṭṭi tiyyanī sesanna nīvu seyi
bāyiḍa ma mmĕbuḍūnum̐ baṭṭavaddu
pāya valamelmaṁganu paigŏṁṭi śhrīvĕṁkaḍeśha
kāyagabuvāri nīve kaṭṭugŏṁdu gāgā