ఎంత విచారించుకొన్నా నిదియే తత్వము హరి
(॥పల్లవి॥)
ఎంత విచారించుకొన్నా నిదియే తత్వము హరి
వంతుకు నీకృప గలవాడే యెఱుఁగు హరి
(॥ఎంత॥)
నిన్ను నమ్మినట్టివాఁడు నిఖిలవంద్యుఁడు హరి
నిన్నునొల్లనట్టివాఁడు నీరసాధముఁడు హరి
మున్ను దేవతలు నీకు మొక్కి బదికిరి హరి
వున్నతి నసురలు నిన్నొల్లక చెడిరి హరి
(॥ఎంత॥)
యేపున నీపేరిటివాఁడిన్నిటా ధన్యుఁడు హరి
నీపెరొల్లనివాఁడు నిర్భాగ్యుఁడే హరి
కేపుల నిన్నుఁ నుతించి గెలిచె నారదుఁడు హరి
పైపై నిన్ను దిట్టి శిశుపాలుఁడు వీఁగెను హరి
(॥ఎంత॥)
యిట్టె నీవిచ్చినవర మెన్నఁడు జెడదు హరి
గట్టిగా నీవియ్యనివి కపటములే హరి
అట్టె శ్రీవేంకటేశ నీ వంతరంగుఁడవు హరి
వుట్టిపడి కానకున్న వొచ్చము దేహికి హరి
(||pallavi||)
ĕṁta visāriṁchugŏnnā nidiye tatvamu hari
vaṁtugu nīkṛpa galavāḍe yĕṟum̐gu hari
(||ĕṁta||)
ninnu namminaṭṭivām̐ḍu nikhilavaṁdyum̐ḍu hari
ninnunŏllanaṭṭivām̐ḍu nīrasādhamum̐ḍu hari
munnu devadalu nīgu mŏkki badigiri hari
vunnadi nasuralu ninnŏllaga sĕḍiri hari
(||ĕṁta||)
yebuna nīberiḍivām̐ḍinniḍā dhanyum̐ḍu hari
nībĕrŏllanivām̐ḍu nirbhāgyum̐ḍe hari
kebula ninnum̐ nudiṁchi gĕlisĕ nāradum̐ḍu hari
paibai ninnu diṭṭi śhiśhubālum̐ḍu vīm̐gĕnu hari
(||ĕṁta||)
yiṭṭĕ nīvichchinavara mĕnnam̐ḍu jĕḍadu hari
gaṭṭigā nīviyyanivi kabaḍamule hari
aṭṭĕ śhrīveṁkaḍeśha nī vaṁtaraṁgum̐ḍavu hari
vuṭṭibaḍi kānagunna vŏchchamu dehigi hari