ఎంత విచారించుకొన్నా నిదియే తత్త్వము హరి
(॥పల్లవి॥)
ఎంత విచారించుకొన్నా నిదియే తత్త్వము హరి
వంతుకు నీ కృపగలవాఁడే యెరుఁగు హరి
(॥ఎంత॥)
నిన్ను నమ్మినట్టివాఁడు నిఖిలవంద్యుఁడు హరి
నిన్ను నొల్లనట్టివాఁడు నీరసాధముఁడు హరి
మున్ను దేవతలు నీకు మ్రొక్కి బ్రదికిరి హరి
వున్నతి నసురలు నిన్నొల్లక చెడిరి హరి
(॥ఎంత॥)
యేపున నీ పేరిటివాఁ డిన్నిటా ధన్యుఁడు హరి
నీ పేరొల్లనివాఁడు నిర్భాగ్యుఁడు హరి
కేపుల నిన్ను నుతించి గెలిచె నారదుఁడు హరి
పైపై నిన్నుఁదిట్టి శిశుపాలుఁడు వీఁగెను హరి
(॥ఎంత॥)
యిట్టే నీవిచ్చిన వరమెన్నఁడుఁ జెడదు హరి
గట్టిగ నీవియ్యనివి కపటములే హరి
అట్టె శ్రీవేంకటేశుఁడ వంతరంగుఁడవు హరి
వుట్టివడి కానకున్న వొచ్చెము దేహికి హరి
(||pallavi||)
ĕṁta visāriṁchugŏnnā nidiye tattvamu hari
vaṁtugu nī kṛpagalavām̐ḍe yĕrum̐gu hari
(||ĕṁta||)
ninnu namminaṭṭivām̐ḍu nikhilavaṁdyum̐ḍu hari
ninnu nŏllanaṭṭivām̐ḍu nīrasādhamum̐ḍu hari
munnu devadalu nīgu mrŏkki bradigiri hari
vunnadi nasuralu ninnŏllaga sĕḍiri hari
(||ĕṁta||)
yebuna nī periḍivām̐ ḍinniḍā dhanyum̐ḍu hari
nī perŏllanivām̐ḍu nirbhāgyum̐ḍu hari
kebula ninnu nudiṁchi gĕlisĕ nāradum̐ḍu hari
paibai ninnum̐diṭṭi śhiśhubālum̐ḍu vīm̐gĕnu hari
(||ĕṁta||)
yiṭṭe nīvichchina varamĕnnam̐ḍum̐ jĕḍadu hari
gaṭṭiga nīviyyanivi kabaḍamule hari
aṭṭĕ śhrīveṁkaḍeśhum̐ḍa vaṁtaraṁgum̐ḍavu hari
vuṭṭivaḍi kānagunna vŏchchĕmu dehigi hari