(॥పల్లవి॥)
ఎంత విభవము గలిగె నంతయును నానదని???
చింతించినది గదా చెడని జీవనము
(॥ఎంత॥)
చలముఁ గోపంబుఁ దనుఁ జంపేటిపగతులని
తెలిసినది యదిగదా తెలివి
తలకొన్నపరనింద తనపాలి మృత్యువని
తొలఁగినది యదిగదా తుదగన్నఫలము
(॥ఎంత॥)
మెఱయు విషయములే తనమెడనున్నవురులుగా
యెఱిఁగినది యదిగదా యెరుక
పఱివోనియాస దనుఁ బట్టుకొను భూతమని
వెఱచినది యదిగదా విజ్ఞానమహిమ
(॥ఎంత॥)
యెనలేని తిరువేంకటేశుఁడే దైవమని
వినఁగలిగినదిగదా వినికి
అనయంబు నతని సేవానందపరులయి
మనఁగలిగినదిగదా మనుజులకు మనికి
(||pallavi||)
ĕṁta vibhavamu galigĕ naṁtayunu nānadani???
siṁtiṁchinadi gadā sĕḍani jīvanamu
(||ĕṁta||)
salamum̐ gobaṁbum̐ danum̐ jaṁpeḍibagadulani
tĕlisinadi yadigadā tĕlivi
talagŏnnabaraniṁda tanabāli mṛtyuvani
tŏlam̐ginadi yadigadā tudagannaphalamu
(||ĕṁta||)
mĕṟayu viṣhayamule tanamĕḍanunnavurulugā
yĕṟim̐ginadi yadigadā yĕruga
paṟivoniyāsa danum̐ baṭṭugŏnu bhūdamani
vĕṟasinadi yadigadā vijñānamahima
(||ĕṁta||)
yĕnaleni tiruveṁkaḍeśhum̐ḍe daivamani
vinam̐galiginadigadā vinigi
anayaṁbu nadani sevānaṁdabarulayi
manam̐galiginadigadā manujulagu manigi