(॥పల్లవి॥)
ఎంత వేగిరపడే వింతటిలోనే
చెంతనుండి యిప్పుడేల చెనకేవు నీవు
(॥ఎంత॥)
మనసు లోపలి మాట మంతనానఁ జెప్పీఁగాక
యెనసి యిందరిలోననేలడిగేవు
పనులేమి గలిగినా పానుపుపైఁ జెప్పీఁ గాక
వొనర యాల వొరసేవు నీవు
(॥ఎంత॥)
వేడుకైన ముచ్చటలు వెనకఁ జెప్పీఁ గాక
ఆడుమని మఱియేల ఆనవెట్టేవు
వీడెమిచ్చినప్పుడే వినయాలు చెప్పీఁ గాక
జాడెఱఁగకిప్పుడేల జరసేవు నీవు
(॥ఎంత॥)
కందువైన ముచ్చటలు కౌఁగిటిలోఁ జెప్పీఁ గాక
గందమియ్యఁగానే యేల గరిసించేవు
ఇందునే శ్రీ వెంకటేశ యేలితివి చెలినిట్టే
పొందులట్టే యిప్పుడేల బోధించేవు నీవు
(||pallavi||)
ĕṁta vegirabaḍe viṁtaḍilone
sĕṁtanuṁḍi yippuḍela sĕnagevu nīvu
(||ĕṁta||)
manasu lobali māḍa maṁtanānam̐ jĕppīm̐gāga
yĕnasi yiṁdarilonanelaḍigevu
panulemi galiginā pānububaim̐ jĕppīm̐ gāga
vŏnara yāla vŏrasevu nīvu
(||ĕṁta||)
veḍugaina muchchaḍalu vĕnagam̐ jĕppīm̐ gāga
āḍumani maṟiyela ānavĕṭṭevu
vīḍĕmichchinappuḍe vinayālu sĕppīm̐ gāga
jāḍĕṟam̐gagippuḍela jarasevu nīvu
(||ĕṁta||)
kaṁduvaina muchchaḍalu kaum̐giḍilom̐ jĕppīm̐ gāga
gaṁdamiyyam̐gāne yela garisiṁchevu
iṁdune śhrī vĕṁkaḍeśha yelidivi sĕliniṭṭe
pŏṁdulaṭṭe yippuḍela bodhiṁchevu nīvu