ఎంత తమకమో చెలికేమి చెప్పేది
(॥పల్లవి॥)
ఎంత తమకమో చెలికేమి చెప్పేది
వింతవింత వేడుకలు వెల్లివిరిసీని
(॥ఎంత॥)
జారినపయ్యదతోడ సగము చన్నులు చూపి
నేరుపుల మాటలాడీ నెలఁత నీతో
కూరుములు గొసరుతా గోరఁజెమట చిమ్ముతా
తారుమారైవలపుల తన్నుఁదానెరఁగదు
(॥ఎంత॥)
కడుఁగొప్పు దువ్వుకొంటా కరమూలములు చూపి
వెడయాస నవ్వు నవ్వీ వెలఁది నీతో
నిడువాలుఁజూపులతో నిన్నుఁ దానొరసుకొంటా
తడఁబాటుచిత్తముతో తన్నుఁ దానెరఁగదు
(॥ఎంత॥)
బిగ్గెనొడ్డాణము గట్టి పిరిఁదిబటువు చూపి
అగ్గలమై కాలుదొక్కీనతివ నీతో
నిగ్గుల శ్రీ వేంకటేశ నిన్నుఁగూడి మొక్కు మొక్కి
తగ్గని కోర్కులతోడ తన్నుఁ దానెరఁగదు
(||pallavi||)
ĕṁta tamagamo sĕligemi sĕppedi
viṁtaviṁta veḍugalu vĕllivirisīni
(||ĕṁta||)
jārinabayyadadoḍa sagamu sannulu sūbi
nerubula māḍalāḍī nĕlam̐ta nīdo
kūrumulu gŏsarudā goram̐jĕmaḍa simmudā
tārumāraivalabula tannum̐dānĕram̐gadu
(||ĕṁta||)
kaḍum̐gŏppu duvvugŏṁṭā karamūlamulu sūbi
vĕḍayāsa navvu navvī vĕlam̐di nīdo
niḍuvālum̐jūbulado ninnum̐ dānŏrasugŏṁṭā
taḍam̐bāḍusittamudo tannum̐ dānĕram̐gadu
(||ĕṁta||)
biggĕnŏḍḍāṇamu gaṭṭi pirim̐dibaḍuvu sūbi
aggalamai kāludŏkkīnadiva nīdo
niggula śhrī veṁkaḍeśha ninnum̐gūḍi mŏkku mŏkki
taggani korguladoḍa tannum̐ dānĕram̐gadu