ఎంత సేయఁగలేదు యిటువంటివిధి యభవు
(॥పల్లవి॥)
ఎంత సేయఁగలేదు యిటువంటివిధి యభవు-
నంతవానిని భిక్షమడుగుకొనఁ జేసె
(॥ఎంత॥)
కోరి చంద్రునిఁ బట్టి గురుతల్ప గునిఁ జేసె
కూరిమలరఁగ నింద్రుఁ గోడిఁ జేసె
ఘోరకుడువఁగఁ ద్రిశంకుని నంత్యజునిఁ జేసె
వీరుఁడగునలుఁ బట్టి విద్రూపుఁ జేసె
(॥ఎంత॥)
అతివ నొడ్డుగఁ జూదమాడ ధర్మజుఁ జేసె
సతి నమ్ముకొన హరిశ్చంద్రుఁ జేసె
కుతిలపడ శూద్రకుని గొఱ్ఱెముచ్చుగఁ జేసె
మతిమాలి కురురాజు మడుఁగుచొరఁ జేసె
(॥ఎంత॥)
పడనిపాట్ల బరచి బ్రహ్మతల వోఁజేసె
తొడరి కాలునికాలు దునియఁ జేసె
ఆడర నీవిధికి విధియగు వేంకటేశుకృప
పడయకుండఁగ భంగపడకపోరాదు
(||pallavi||)
ĕṁta seyam̐galedu yiḍuvaṁṭividhi yabhavu-
naṁtavānini bhikṣhamaḍugugŏnam̐ jesĕ
(||ĕṁta||)
kori saṁdrunim̐ baṭṭi gurudalba gunim̐ jesĕ
kūrimalaram̐ga niṁdrum̐ goḍim̐ jesĕ
ghoraguḍuvam̐gam̐ driśhaṁkuni naṁtyajunim̐ jesĕ
vīrum̐ḍagunalum̐ baṭṭi vidrūbum̐ jesĕ
(||ĕṁta||)
adiva nŏḍḍugam̐ jūdamāḍa dharmajum̐ jesĕ
sadi nammugŏna hariśhchaṁdrum̐ jesĕ
kudilabaḍa śhūdraguni gŏṭrĕmuchchugam̐ jesĕ
madimāli kururāju maḍum̐gusŏram̐ jesĕ
(||ĕṁta||)
paḍanibāṭla barasi brahmadala vom̐jesĕ
tŏḍari kālunigālu duniyam̐ jesĕ
āḍara nīvidhigi vidhiyagu veṁkaḍeśhukṛpa
paḍayaguṁḍam̐ga bhaṁgabaḍagaborādu