(॥పల్లవి॥)
ఎంత చదివి చూచిన నీతఁడే ఘనము గాక
యింతయు నేలేటి దైవ మిఁక వేరే కలరా
(॥ఎంత॥)
మొదల జగములకు మూలమైనవాఁడు
తుదఁ బ్రళయమునాఁడు తోఁచేవాఁడు
కదిసి నడుమ నిండి కలిగివుండెడివాఁడు
మదనగురుఁడే కాక మఱి వేరే కలరా
(॥ఎంత॥)
పరమాణువైనవాఁడు బ్రహ్మాండమైనవాఁడు
సురలకు నరులకుఁ జోటయినవాఁడు
పరమైనవాఁడు ప్రపంచమైనవాఁడు
హరి యొక్కఁడే కాక అవ్వలనుఁ గలరా
(॥ఎంత॥)
పుట్టుగులయినవాఁడు భోగమోక్షాలైనవాఁడు
యెట్టనెదుర లోనను యిన్నిటివాఁడు
గట్టిగా శ్రీవేంకటాద్రి కమలాదేవితోడి-
పట్టపుదేవుఁడే కాక పరు లిఁకఁ గలరా
(||pallavi||)
ĕṁta sadivi sūsina nīdam̐ḍe ghanamu gāga
yiṁtayu neleḍi daiva mim̐ka vere kalarā
(||ĕṁta||)
mŏdala jagamulagu mūlamainavām̐ḍu
tudam̐ braḽayamunām̐ḍu tom̐sevām̐ḍu
kadisi naḍuma niṁḍi kaligivuṁḍĕḍivām̐ḍu
madanagurum̐ḍe kāga maṟi vere kalarā
(||ĕṁta||)
paramāṇuvainavām̐ḍu brahmāṁḍamainavām̐ḍu
suralagu narulagum̐ joḍayinavām̐ḍu
paramainavām̐ḍu prabaṁchamainavām̐ḍu
hari yŏkkam̐ḍe kāga avvalanum̐ galarā
(||ĕṁta||)
puṭṭugulayinavām̐ḍu bhogamokṣhālainavām̐ḍu
yĕṭṭanĕdura lonanu yinniḍivām̐ḍu
gaṭṭigā śhrīveṁkaḍādri kamalādevidoḍi-
paṭṭabudevum̐ḍe kāga paru lim̐kam̐ galarā