ఎంత రట్టడి యిది యిట్టి నేమపువానిని
(॥పల్లవి॥)
ఎంత రట్టడి యిది యిట్టి నేమపువానిని
ఇంతసేసెఁ జూడరమ్మ యిఁకనేమి సేసీనో
(॥ఎంత॥)
పిలిచి తా రాకుండఁగాఁ బ్రియునితోఁ బగచాటి
నెల పొడపు వెన్నెల నిద్రించేవాని
చెలీఁ దాను మంచముపైఁ జేరి యింటికిఁ గొంపోయి
మెలుత గాఁగలించితే మేలుకొనెనతఁడు
(॥ఎంత॥)
పందెమంటానంతలో పగడసాలాడె విభుఁడు
దిందుపడి మచ్చరానఁ దెల్లవారెను
ముందుయెడకె వచ్చె మొకమజ్జనానకు
కందువగానాపె వచ్చి గూడె వెట్టెనే
(॥ఎంత॥)
శ్రీ వెంకటేశుఁడందుకుఁ జేరి తనవురముపై
దేవులుఁ జూపతే తెలిసి మొక్కె
కావించి వారిద్దరును కైకొని మన్నించఁగాను
చేవదేర నూడిగాలు సేసి తా వెలసెనే
(||pallavi||)
ĕṁta raṭṭaḍi yidi yiṭṭi nemabuvānini
iṁtasesĕm̐ jūḍaramma yim̐kanemi sesīno
(||ĕṁta||)
pilisi tā rāguṁḍam̐gām̐ briyunidom̐ bagasāḍi
nĕla pŏḍabu vĕnnĕla nidriṁchevāni
sĕlīm̐ dānu maṁchamubaim̐ jeri yiṁṭigim̐ gŏṁpoyi
mĕluda gām̐galiṁchide melugŏnĕnadam̐ḍu
(||ĕṁta||)
paṁdĕmaṁṭānaṁtalo pagaḍasālāḍĕ vibhum̐ḍu
diṁdubaḍi machcharānam̐ dĕllavārĕnu
muṁduyĕḍagĕ vachchĕ mŏgamajjanānagu
kaṁduvagānābĕ vachchi gūḍĕ vĕṭṭĕne
(||ĕṁta||)
śhrī vĕṁkaḍeśhum̐ḍaṁdugum̐ jeri tanavuramubai
devulum̐ jūbade tĕlisi mŏkkĕ
kāviṁchi vāriddarunu kaigŏni manniṁcham̐gānu
sevadera nūḍigālu sesi tā vĕlasĕne