ఎంత ప్రతాపమువాఁడు యెంతటి నేరుపరి
(॥పల్లవి॥)
ఎంత ప్రతాపమువాఁడు యెంతటి నేరుపరి
యెంతని పొగడవచ్చు నీ రాముని
(॥ఎంత॥)
వాలి నొక్క కోలనేసి వారిధి గట్టిన వాఁడు
తాలిమితో సుగ్రీవుని లాలించినాఁడు
పాలించి విభీషణునిఁ బట్టము గట్టిన వాఁడు
యేలుమని లంక కెల్లా నీ రాముఁడు
(॥ఎంత॥)
కుచ్చి పర మొండెముగా కుంభ కర్ణుఁ గొట్టినాఁడు
హెచ్చి రాకాసులఁ జంపె నీ రాముఁడు
తచ్చి రావణాసురుని తలలు చెండాడినాఁడు
ఇచ్చ కొలఁదుల నిట్టె యీ రాముఁడు
(॥ఎంత॥)
సీత తో విమాన మెక్కి చేరి యయోధ్యకు వచ్చి
యీతలఁ బట్ట మేలినాఁ డీ రాముఁడు
శ్రీ తరుణితోఁగూడి శ్రీ వేంకటేశుఁడైనాఁడు
యీతఁడే దరసించరో యీరాముఁడు
(||pallavi||)
ĕṁta pradābamuvām̐ḍu yĕṁtaḍi nerubari
yĕṁtani pŏgaḍavachchu nī rāmuni
(||ĕṁta||)
vāli nŏkka kolanesi vāridhi gaṭṭina vām̐ḍu
tālimido sugrīvuni lāliṁchinām̐ḍu
pāliṁchi vibhīṣhaṇunim̐ baṭṭamu gaṭṭina vām̐ḍu
yelumani laṁka kĕllā nī rāmum̐ḍu
(||ĕṁta||)
kuchchi para mŏṁḍĕmugā kuṁbha karṇum̐ gŏṭṭinām̐ḍu
hĕchchi rāgāsulam̐ jaṁpĕ nī rāmum̐ḍu
tachchi rāvaṇāsuruni talalu sĕṁḍāḍinām̐ḍu
ichcha kŏlam̐dula niṭṭĕ yī rāmum̐ḍu
(||ĕṁta||)
sīda to vimāna mĕkki seri yayodhyagu vachchi
yīdalam̐ baṭṭa melinām̐ ḍī rāmum̐ḍu
śhrī taruṇidom̐gūḍi śhrī veṁkaḍeśhum̐ḍainām̐ḍu
yīdam̐ḍe darasiṁcharo yīrāmum̐ḍu