(॥పల్లవి॥)
ఎంత పరాక్రమము యీ సింహము
చెంతనే దివిజులు సేవించేరు
(॥ఎంత॥)
కొండమీఁదఁ గూచుండి దైత్యుమై
చెండివేసె నీ సింహము
నిండునగవుతో నెలఁత దనతొడపై
నుండఁగ నెరసీ నుదుటుఁదనమున
(॥ఎంత॥)
తటుకనఁ బ్రహ్లాదుఘటనచేఁ గంభము
చిటిలి వెడలె నీ సింహము
చటులకరంబులఁ గుటిలదానవుని
బటుగతిఁ బట్టెను పశుబంధముగా
(॥ఎంత॥)
పగయెల్ల నడఁచి జగములేలుచును
జిగిమించిన నరసింహము
నిగిడి శ్రీవేంకటనిధి యహోబలము
తగు నివాసముగఁ దనరీ నిదివో
(||pallavi||)
ĕṁta parākramamu yī siṁhamu
sĕṁtane divijulu seviṁcheru
(||ĕṁta||)
kŏṁḍamīm̐dam̐ gūsuṁḍi daityumai
sĕṁḍivesĕ nī siṁhamu
niṁḍunagavudo nĕlam̐ta danadŏḍabai
nuṁḍam̐ga nĕrasī nuduḍum̐danamuna
(||ĕṁta||)
taḍuganam̐ brahlādughaḍanasem̐ gaṁbhamu
siḍili vĕḍalĕ nī siṁhamu
saḍulagaraṁbulam̐ guḍiladānavuni
baḍugadim̐ baṭṭĕnu paśhubaṁdhamugā
(||ĕṁta||)
pagayĕlla naḍam̐si jagamulelusunu
jigimiṁchina narasiṁhamu
nigiḍi śhrīveṁkaḍanidhi yahobalamu
tagu nivāsamugam̐ danarī nidivo