ఎంత మొగమాయకాఁడో యేమో కాని
(॥పల్లవి॥)
ఎంత మొగమాయకాఁడో యేమో కాని
యింతులార వెర గైతి మిఁక నేమో కాని
(॥ఎంత॥)
మొదల నేమైనఁ జేసి ముందట నీవుండితేను
యెదురు మాటాడఁజాల నేమో కాని
పెదవి కెంపులు రేఁగబెట్టి నాతో నవ్వితేను
యిదివో నే బ్రమసితి నిఁక నేమో కాని
(॥ఎంత॥)
కొయ్యతనా లెల్ల నాడి కొంగువట్టి తీసితేను
యియ్యకొంటిఁ బనులకు నేమో కాని
పయ్యదపైఁ జెయి వేసి పచ్చితిట్టు దిట్టి తేను
నెయ్యమునఁ గరఁగితి నే నిదేమో కాని
(॥ఎంత॥)
పంతము లిన్నియు నాడి బలిమిసేసి కూడితి
నింతలోఁ బంత మిచ్చితి నేమో కాని
వంతుకు శ్రీ వెంకటేశ వలపించి నందు కెల్ల
మంతనాన లోనైతి మరి యేమో కాని
(||pallavi||)
ĕṁta mŏgamāyagām̐ḍo yemo kāni
yiṁtulāra vĕra gaidi mim̐ka nemo kāni
(||ĕṁta||)
mŏdala nemainam̐ jesi muṁdaḍa nīvuṁḍidenu
yĕduru māḍāḍam̐jāla nemo kāni
pĕdavi kĕṁpulu rem̐gabĕṭṭi nādo navvidenu
yidivo ne bramasidi nim̐ka nemo kāni
(||ĕṁta||)
kŏyyadanā lĕlla nāḍi kŏṁguvaṭṭi tīsidenu
yiyyagŏṁṭim̐ banulagu nemo kāni
payyadabaim̐ jĕyi vesi pachchidiṭṭu diṭṭi tenu
nĕyyamunam̐ garam̐gidi ne nidemo kāni
(||ĕṁta||)
paṁtamu linniyu nāḍi balimisesi kūḍidi
niṁtalom̐ baṁta michchidi nemo kāni
vaṁtugu śhrī vĕṁkaḍeśha valabiṁchi naṁdu kĕlla
maṁtanāna lonaidi mari yemo kāni