ఎంత మేలు చేసినదో యేమి చెప్ప చిత్త
(॥పల్లవి॥)
ఎంత మేలు చేసినదో యేమి చెప్ప చిత్త-
మంతయు నీకిచ్చిన యొయ్యారి యెవ్వతెరా
(॥ఎంత॥)
దాడింబ పువ్వలవన్నె తళుకుఁబయ్యెద కొంగు
వేడుకతో వల్లెవాటు వేశి
గోడనిక్కి చూచి తనకొప్పు చెంగలువబంతి
నోడక వేసినయట్టి యొరపరెవ్వతెరా
(॥ఎంత॥)
కంకణాల మెఱఁగుల కరము లొయ్యన యిరు
వంకల చెలలుమీఁద వైచి
కొంకక తమలపాకు కొనవంక గఱచి నీ
వంక చూచి సన్న సేసె వనిత యెవ్వతెరా
(॥ఎంత॥)
పిక్కటిల్లునట్టి తన బిగువుఁజన్నుల కాంతి
వెక్కసమై యిరువంక వెడల
యెక్కువతోఁ దిరువేంకటేశుండ నిన్నుఁ గూడి
చెక్కునొక్కి కౌఁగిలించ్చె చిత్తణి యెవ్వతెరా
(||pallavi||)
ĕṁta melu sesinado yemi sĕppa sitta-
maṁtayu nīgichchina yŏyyāri yĕvvadĕrā
(||ĕṁta||)
dāḍiṁba puvvalavannĕ taḽugum̐bayyĕda kŏṁgu
veḍugado vallĕvāḍu veśhi
goḍanikki sūsi tanagŏppu sĕṁgaluvabaṁti
noḍaga vesinayaṭṭi yŏrabarĕvvadĕrā
(||ĕṁta||)
kaṁkaṇāla mĕṟam̐gula karamu lŏyyana yiru
vaṁkala sĕlalumīm̐da vaisi
kŏṁkaga tamalabāgu kŏnavaṁka gaṟasi nī
vaṁka sūsi sanna sesĕ vanida yĕvvadĕrā
(||ĕṁta||)
pikkaḍillunaṭṭi tana biguvum̐jannula kāṁti
vĕkkasamai yiruvaṁka vĕḍala
yĕkkuvadom̐ diruveṁkaḍeśhuṁḍa ninnum̐ gūḍi
sĕkkunŏkki kaum̐giliṁchchĕ sittaṇi yĕvvadĕrā