(॥పల్లవి॥)
ఎంత లేదు చిత్తమా యీఁతలేల మోఁతలేల
వంతులకుఁ బారనేల వగరించనేలా
(॥ఎంత॥)
దక్కనివి గోరనేల తట్టుముట్టు పడనేల
చిక్కినంతకే సంతసించరాదా
ఒక్కమాఁటే వుప్పుదిని వుపతాప మందనేల
చక్కజాడఁ దగినంతే చవిగొనరాదా
(॥ఎంత॥)
పారి పారి వేఁడనేల బడలిక పడనేల
మీరి దైవమిచ్ఛినంతే మెచ్చరాదా
వీరిడై పొడవెక్కి విరుగఁబడఁగనేల
చేరి యందినంతకే చేచాఁచరాదా
(॥ఎంత॥)
జీవులఁ గొలువనేల సిలుగులఁ బడనేల
శ్రీవేంకటేశుఁ డాత్మఁ జిక్కివుండఁగా
దావతి పడఁగనేల దప్పులం బొరలనేల
కైవశమైనందుకే గతిగూడరాదా
(||pallavi||)
ĕṁta ledu sittamā yīm̐talela mom̐talela
vaṁtulagum̐ bāranela vagariṁchanelā
(||ĕṁta||)
dakkanivi goranela taṭṭumuṭṭu paḍanela
sikkinaṁtage saṁtasiṁcharādā
ŏkkamām̐ṭe vuppudini vubadāba maṁdanela
sakkajāḍam̐ daginaṁte savigŏnarādā
(||ĕṁta||)
pāri pāri vem̐ḍanela baḍaliga paḍanela
mīri daivamichchhinaṁte mĕchcharādā
vīriḍai pŏḍavĕkki virugam̐baḍam̐ganela
seri yaṁdinaṁtage sesām̐sarādā
(||ĕṁta||)
jīvulam̐ gŏluvanela silugulam̐ baḍanela
śhrīveṁkaḍeśhum̐ ḍātmam̐ jikkivuṁḍam̐gā
dāvadi paḍam̐ganela dappulaṁ bŏralanela
kaivaśhamainaṁduge gadigūḍarādā