(॥పల్లవి॥)
ఎంత భక్తవత్సలుఁడ విట్టుండవలదా
వింతలు నీసుద్దులెల్లా వినఁబోతే నిట్టివే
(॥ఎంత॥)
యిల నసురారియనేయీబిరుదు చెల్లె నీకు
బలివిభీషణాదులపాలికే చెల్లదు
కెలసి అవులే నీవు గెలుతు వెందరినైనా
తలచి చూడ నీదాసుల కోడుదువు
(॥ఎంత॥)
యిందరిపాలిటికిని యీశ్వరుఁడ వేలికవు
పందవై యర్జునుబండిబంట వైతివి
వందనకు నౌలే దేవతలకే దొరవు
అందపునీదాసులకు నన్నిటా దాసుఁడవు
(॥ఎంత॥)
కడుపులో లోకముకన్న తండ్రి విన్నిటాను
కొడుకవు దేవకికిఁ గోరినంతనే
తడవితే వేదములు తగిలేబ్రహ్మమవు
విదువనిమాకైతే శ్రీవేంకటాద్రిపతివి
(||pallavi||)
ĕṁta bhaktavatsalum̐ḍa viṭṭuṁḍavaladā
viṁtalu nīsuddulĕllā vinam̐bode niṭṭive
(||ĕṁta||)
yila nasurāriyaneyībirudu sĕllĕ nīgu
balivibhīṣhaṇādulabālige sĕlladu
kĕlasi avule nīvu gĕludu vĕṁdarinainā
talasi sūḍa nīdāsula koḍuduvu
(||ĕṁta||)
yiṁdaribāliḍigini yīśhvarum̐ḍa veligavu
paṁdavai yarjunubaṁḍibaṁṭa vaidivi
vaṁdanagu naule devadalage dŏravu
aṁdabunīdāsulagu nanniḍā dāsum̐ḍavu
(||ĕṁta||)
kaḍubulo logamuganna taṁḍri vinniḍānu
kŏḍugavu devagigim̐ gorinaṁtane
taḍavide vedamulu tagilebrahmamavu
viduvanimāgaide śhrīveṁkaḍādribadivi