ఎంత భాగ్యవంతుఁడవో యిన్నియును నొనగూడె
(॥పల్లవి॥)
ఎంత భాగ్యవంతుఁడవో యిన్నియును నొనగూడె
మంతనాన నీకె నిట్టె మన్నించవయ్యా
(॥ఎంత॥)
చెలిమి చేటఁడు చల్లె చెలియ నీమీఁదను
కలికితనాలు నీకు గంపలఁ బెట్టె
వలపులు నీ యెదుట వాములుగాఁ గూడ పెట్టె
యెలమి నీ కోరికె లేడేరెనయ్యా
(॥ఎంత॥)
నగవులు మూఁట గట్టె నలినాక్షి నిన్నుఁ జూచి
పగట్టుఁ జేఁతులు నీకు బండ్లఁ బెట్టె
మొగమిచ్చ లెల్లా నీ ముందరి దొంతి వేరిచె
తగులాయములు నీకు దలకూడెనయ్యా
(॥ఎంత॥)
వాపులు గాదెఁ బోసె వనిత నీ పొందుసేసె
మోవి సన్నలు నీమాఁద మోపు గట్టెను
యీవేళ శ్రీవేంకటేశ యీకె యలమేలుమంగ
దేవులాయ నీ వేడుక తిరమాయనయ్యా
(||pallavi||)
ĕṁta bhāgyavaṁtum̐ḍavo yinniyunu nŏnagūḍĕ
maṁtanāna nīgĕ niṭṭĕ manniṁchavayyā
(||ĕṁta||)
sĕlimi seḍam̐ḍu sallĕ sĕliya nīmīm̐danu
kaligidanālu nīgu gaṁpalam̐ bĕṭṭĕ
valabulu nī yĕduḍa vāmulugām̐ gūḍa pĕṭṭĕ
yĕlami nī korigĕ leḍerĕnayyā
(||ĕṁta||)
nagavulu mūm̐ṭa gaṭṭĕ nalinākṣhi ninnum̐ jūsi
pagaṭṭum̐ jem̐tulu nīgu baṁḍlam̐ bĕṭṭĕ
mŏgamichcha lĕllā nī muṁdari dŏṁti verisĕ
tagulāyamulu nīgu dalagūḍĕnayyā
(||ĕṁta||)
vābulu gādĕm̐ bosĕ vanida nī pŏṁdusesĕ
movi sannalu nīmām̐da mobu gaṭṭĕnu
yīveḽa śhrīveṁkaḍeśha yīgĕ yalamelumaṁga
devulāya nī veḍuga tiramāyanayyā