ఏమోయని యెంచకుమీ యిందరిలోన నీవు
(॥పల్లవి॥)
ఏమోయని యెంచకుమీ యిందరిలోన నీవు
కామించిన జాడ సుమ్మీ కలికి యిన్నియును
(॥ఏమో॥)
కొమ్మ నీపయ్యదలోనికుచముల మారు సుమ్మీ
నిమ్మపండ్లెగరవేసీ నీరమణుఁడు
రమ్మని చేతులఁ జూపరాక సుమ్మీ సన్నగాను
తమ్మిపూవులను వేసీ దవ్వులనే తాను
(॥ఏమో॥)
నిద్దరపుమెరుఁగుల నీచెక్కులమారు సుమ్మీ
అద్దముల నీడచూచీనప్పటిఁ దాను
వుద్దండాన నిన్ను గోరఁసూదిన భావము సుమ్మీ
కొద్దిమీరి గేదంగిరేకులనె చిమ్మీని
(॥ఏమో॥)
మలసి నిన్నుఁ గూడిన మారు సుమ్మీ నీవంపిన
చెలికత్తెఁ గాఁగిలించె సిగ్గుదేరను
కలసెను నిన్ను శ్రీ వెంకటేశుఁడీడకు వచ్చి
అలయించలేక సుమ్మీ ఆయములంటీని
(||pallavi||)
emoyani yĕṁchagumī yiṁdarilona nīvu
kāmiṁchina jāḍa summī kaligi yinniyunu
(||emo||)
kŏmma nībayyadalonigusamula māru summī
nimmabaṁḍlĕgaravesī nīramaṇum̐ḍu
rammani sedulam̐ jūbarāga summī sannagānu
tammibūvulanu vesī davvulane tānu
(||emo||)
niddarabumĕrum̐gula nīsĕkkulamāru summī
addamula nīḍasūsīnappaḍim̐ dānu
vuddaṁḍāna ninnu goram̐sūdina bhāvamu summī
kŏddimīri gedaṁgiregulanĕ simmīni
(||emo||)
malasi ninnum̐ gūḍina māru summī nīvaṁpina
sĕligattĕm̐ gām̐giliṁchĕ sigguderanu
kalasĕnu ninnu śhrī vĕṁkaḍeśhum̐ḍīḍagu vachchi
alayiṁchalega summī āyamulaṁṭīni