ఏమిసేతు నీ సుద్దుల కేమందును
(॥పల్లవి॥)
ఏమిసేతు నీ సుద్దుల కేమందును
దోమటిఁ గొంగు వట్టఁగ తొలఁగి పోరాదు
(॥ఏమి॥)
అత్తల నిత్తల నీకు ఆపె నేను నుండఁగాను
పొత్తుల నవ్వునవ్వేవు పో పో నీవు
చిత్తజమదమెకాని సిగ్గువడే దెరఁగవు
కొత్తలుగా నీతో నేము కోపగించరాదు
(॥ఏమి॥)
తప్పక యిద్దరము పాదాలు నీకు నొత్తఁగాను
చెప్పరాని మాటాడేవు చీ చీ నీవు
కుప్పళించెజవ్వనాన కొంకుగొస రెరఁగవు
యిప్పుడు నీతో మాకు నెదురాడరాదు
(॥ఏమి॥)
యిరు దెస నీతో నేము యేకతములాడఁగాను
తొరలఁ గాగలించేవు తో తో నీవు
కెరలి శ్రీవెంకటేశ కిందుమీఁదు నెరఁగవు
పరగ నీరతుల నే పచ్చిసేయరాదు
(||pallavi||)
emisedu nī suddula kemaṁdunu
domaḍim̐ gŏṁgu vaṭṭam̐ga tŏlam̐gi porādu
(||emi||)
attala nittala nīgu ābĕ nenu nuṁḍam̐gānu
pŏttula navvunavvevu po po nīvu
sittajamadamĕgāni sigguvaḍe dĕram̐gavu
kŏttalugā nīdo nemu kobagiṁcharādu
(||emi||)
tappaga yiddaramu pādālu nīgu nŏttam̐gānu
sĕpparāni māḍāḍevu sī sī nīvu
kuppaḽiṁchĕjavvanāna kŏṁkugŏsa rĕram̐gavu
yippuḍu nīdo māgu nĕdurāḍarādu
(||emi||)
yiru dĕsa nīdo nemu yegadamulāḍam̐gānu
tŏralam̐ gāgaliṁchevu to to nīvu
kĕrali śhrīvĕṁkaḍeśha kiṁdumīm̐du nĕram̐gavu
paraga nīradula ne pachchiseyarādu