ఏమిసేతు నాభాగ్య మిట్లున్నది
(॥పల్లవి॥)
ఏమిసేతు నాభాగ్య మిట్లున్నది
నేమమేమీ నెరఁగను నీవే గతి యిఁకను
(॥ఏమి॥)
అగపడి నిరంతర మలవాటైన జగత్తు
మొగమునఁ గట్టినట్టు మొగి మరవనీదు
తగిలి నిన్నెటువలె ధ్యానము సేతు నేను
అగడు సేసి సహాయముగాదు మనసు
(॥ఏమి॥)
విడువక యెల్లప్పుడూ విడిదలైన దేహము
మెడఁ గట్టినట్టున్నది మెలఁగీ నురులదు
వొడయఁడ నీవూడిగె మొదిగి నేనెట్టు సేతు
అడరి కప్పిన నీ మాయాఁ దోడుగాదు
(॥ఏమి॥)
వొద్దనే పెక్కుగాలము పూనిన పురాకృతము
చద్దిమూఁటై యనుభవించఁగఁ జేసీ మానదు
అద్దుక శ్రీవేంకటేశ అంతర్యామివి నీవు
వొద్దికతో రక్షించు నావోజాఁ దోడుగాదు
(||pallavi||)
emisedu nābhāgya miṭlunnadi
nemamemī nĕram̐ganu nīve gadi yim̐kanu
(||emi||)
agabaḍi niraṁtara malavāḍaina jagattu
mŏgamunam̐ gaṭṭinaṭṭu mŏgi maravanīdu
tagili ninnĕḍuvalĕ dhyānamu sedu nenu
agaḍu sesi sahāyamugādu manasu
(||emi||)
viḍuvaga yĕllappuḍū viḍidalaina dehamu
mĕḍam̐ gaṭṭinaṭṭunnadi mĕlam̐gī nuruladu
vŏḍayam̐ḍa nīvūḍigĕ mŏdigi nenĕṭṭu sedu
aḍari kappina nī māyām̐ doḍugādu
(||emi||)
vŏddane pĕkkugālamu pūnina purākṛtamu
saddimūm̐ṭai yanubhaviṁcham̐gam̐ jesī mānadu
adduga śhrīveṁkaḍeśha aṁtaryāmivi nīvu
vŏddigado rakṣhiṁchu nāvojām̐ doḍugādu