(॥పల్లవి॥)
ఏమిటికిఁక నితరపుణ్యములు
తాము దామె హరి దాసుఁడ నేను
(॥ఏమి॥)
దురితములు హరి తొల్లే తను
శరణన్నపుడె చాలించినాఁడు
నరకములు మరినాఁడే
తిరుమంత్రముచేఁ దీరిచినాఁడు
(॥ఏమి॥)
పుట్టుగులు హరి భువి మునుపే
గట్టిముద్రలనే కడపినవాఁడు
నట్టుకొను అజ్ఞానము వెనకకే
పట్టి గురునిచేఁ బాపినవాఁడు
(॥ఏమి॥)
యిహపరము లివియును నపుడే
సహజధర్మమున జరపినవాఁడు
విహితముగా శ్రీవేంకటపతి నను
బహుదాసులలోఁ బాలించినాఁడు
(||pallavi||)
emiḍigim̐ka nidarabuṇyamulu
tāmu dāmĕ hari dāsum̐ḍa nenu
(||emi||)
duridamulu hari tŏlle tanu
śharaṇannabuḍĕ sāliṁchinām̐ḍu
naragamulu marinām̐ḍe
tirumaṁtramusem̐ dīrisinām̐ḍu
(||emi||)
puṭṭugulu hari bhuvi munube
gaṭṭimudralane kaḍabinavām̐ḍu
naṭṭugŏnu ajñānamu vĕnagage
paṭṭi gurunisem̐ bābinavām̐ḍu
(||emi||)
yihabaramu liviyunu nabuḍe
sahajadharmamuna jarabinavām̐ḍu
vihidamugā śhrīveṁkaḍabadi nanu
bahudāsulalom̐ bāliṁchinām̐ḍu