(॥పల్లవి॥)
ఏమిటికిఁ జింత యిదె నీకు
ప్రేమపుఁ బెండ్లి బెరసెఁగా నీకు
(॥ఏమి॥)
కలికి నీ చూపుల కలువదండలు దెచ్చి
తలఁకకాతనిమెడఁ దగులవేసి
మొలక నగవుల నీ ముత్యపుసేసలు చల్లి
తొలఁగని పెండ్లి దొరకెఁగా నీకు
(॥ఏమి॥)
చనపుఁ గూరిముల కొసరులను గరమిడి
ఘనమైన కాఁకలఁ గాలుదొక్కి
పనివడి వెన్నెల పాలకూడు గుడిచి
తనివోని పెండ్లి దగిలెఁగా నీకు
(॥ఏమి॥)
తరుణి నీ హృదయపుఁ దమ్మిపరపుతోడ-
నిరవైన సిరులతో నిల్లు నించి
తిరువేంకటగిరి దేవునితోఁగూడి
సరసపు బెండ్లి జరగెఁగా నీకు
(||pallavi||)
emiḍigim̐ jiṁta yidĕ nīgu
premabum̐ bĕṁḍli bĕrasĕm̐gā nīgu
(||emi||)
kaligi nī sūbula kaluvadaṁḍalu dĕchchi
talam̐kagādanimĕḍam̐ dagulavesi
mŏlaga nagavula nī mutyabusesalu salli
tŏlam̐gani pĕṁḍli dŏragĕm̐gā nīgu
(||emi||)
sanabum̐ gūrimula kŏsarulanu garamiḍi
ghanamaina kām̐kalam̐ gāludŏkki
panivaḍi vĕnnĕla pālagūḍu guḍisi
tanivoni pĕṁḍli dagilĕm̐gā nīgu
(||emi||)
taruṇi nī hṛdayabum̐ dammibarabudoḍa-
niravaina sirulado nillu niṁchi
tiruveṁkaḍagiri devunidom̐gūḍi
sarasabu bĕṁḍli jaragĕm̐gā nīgu