ఏమిటికి వేఁడుకొనే వింతలోఁ దమకించేవు
(॥పల్లవి॥)
ఏమిటికి వేఁడుకొనే వింతలోఁ దమకించేవు
కామించి నీ వాడినట్టు కాదంటినా
(॥ఏమి॥)
మచ్చరములెల్లఁ దీరె మంతనాన నీవు నాతో
యిచ్చకము లాడితేనె యియ్యకొంటివి
కుచ్చి కాఁగిలించి నాచెక్కులు నొక్కే వేమిటికి
నిచ్చలు నీచెప్పినట్టు నేఁ జేయనంటినా
(॥ఏమి॥)
ఆనలెల్ల విడిచితి నంటఁబట్టి నీవు నాకు
తేనెమోవి యిచ్చితేనె తిరమైతివి
పూనిక నా కొంగువట్టి పొంచి యాలపెనఁగేవు
వూని నీతో పొందులు నే నొల్లనంటినా
(॥ఏమి॥)
మంకు లన్నియుఁ దొలఁగె మనసుమర్మములంటి
సంకెలు దీరిచితేనె సమ్మతించితి
కొంకక శ్రీవెంకటేశ కూడి యింకాఁ బొదిగేవు
పొంకమైన మీఁదాఁ దప్పులు వట్టేనా
(||pallavi||)
emiḍigi vem̐ḍugŏne viṁtalom̐ damagiṁchevu
kāmiṁchi nī vāḍinaṭṭu kādaṁṭinā
(||emi||)
machcharamulĕllam̐ dīrĕ maṁtanāna nīvu nādo
yichchagamu lāḍidenĕ yiyyagŏṁṭivi
kuchchi kām̐giliṁchi nāsĕkkulu nŏkke vemiḍigi
nichchalu nīsĕppinaṭṭu nem̐ jeyanaṁṭinā
(||emi||)
ānalĕlla viḍisidi naṁṭam̐baṭṭi nīvu nāgu
tenĕmovi yichchidenĕ tiramaidivi
pūniga nā kŏṁguvaṭṭi pŏṁchi yālabĕnam̐gevu
vūni nīdo pŏṁdulu ne nŏllanaṁṭinā
(||emi||)
maṁku lanniyum̐ dŏlam̐gĕ manasumarmamulaṁṭi
saṁkĕlu dīrisidenĕ sammadiṁchidi
kŏṁkaga śhrīvĕṁkaḍeśha kūḍi yiṁkām̐ bŏdigevu
pŏṁkamaina mīm̐dām̐ dappulu vaṭṭenā