(॥పల్లవి॥)
ఏమి వొరలేరు యేమి మరలేరు
యీ మాయలంపటంబీఁద మోఁదనే కాని
(॥ఏమి॥)
సతులుగలమేలు దా సడిఁబొరలనేకాని
సతమైన సౌఖ్యస్వస్థానంబు లేదు
హితులు గలమేలు తా నిడుమఁబొరలనె కాని
హితవివేకము నరుల కెంతైన లేదు
(॥ఏమి॥)
తనువు లెత్తినమేలు తగులాయమేకాని
కనుఁగొనఁగ యోగభోగము గొంత లేదు
ఘనము గలమేలు తా గర్వాంధమేకాని
ఘనుఁడైన శ్రీనాథుఁ గనుగొనగ లేదు
(॥ఏమి॥)
చింతగలిగిన మేలు చివుకఁబట్టనెకాని
చింత వేంకటవిభునిఁ జింతించ లేదు
సంతు గలిగిన మేలు సంసారమే కాని
సంతతముఁ జెడని సద్గతిఁ జేర లేదు
(||pallavi||)
emi vŏraleru yemi maraleru
yī māyalaṁpaḍaṁbīm̐da mom̐dane kāni
(||emi||)
sadulugalamelu dā saḍim̐bŏralanegāni
sadamaina saukhyasvasthānaṁbu ledu
hidulu galamelu tā niḍumam̐bŏralanĕ kāni
hidavivegamu narula kĕṁtaina ledu
(||emi||)
tanuvu lĕttinamelu tagulāyamegāni
kanum̐gŏnam̐ga yogabhogamu gŏṁta ledu
ghanamu galamelu tā garvāṁdhamegāni
ghanum̐ḍaina śhrīnāthum̐ ganugŏnaga ledu
(||emi||)
siṁtagaligina melu sivugam̐baṭṭanĕgāni
siṁta veṁkaḍavibhunim̐ jiṁtiṁcha ledu
saṁtu galigina melu saṁsārame kāni
saṁtadamum̐ jĕḍani sadgadim̐ jera ledu