ఏమి వలసిన నిచ్చు నెప్పుడైనను
(॥పల్లవి॥)
ఏమి వలసిన నిచ్చు నెప్పుడైనను
యేమరక కొలిచిన నీతఁడే దైవము
(॥ఏమి॥)
ఘనముగా నిందరికిఁ గన్నులిచ్చుఁ గాళ్లిచ్చు
పనిసేయఁ జేతులిచ్చు బలియుఁడై
తనుఁగొలువుమని చిత్తములిచ్చుఁ గరుణించి
వొనర లోకానకెల్ల నొక్కఁడే దైవము
(॥ఏమి॥)
మచ్చిక తనుఁగొలువ మనసిచ్చు మాటలిచ్చు
కుచ్చితములేని కొడుకుల నిచ్చును
చొచ్చినచోటే చొచ్చి శుభమిచ్చు సుఖమిచ్చు
నిచ్చలు లోకానకెల్ల నిజమైనదైవము
(॥ఏమి॥)
పంతమాడి కొలిచినఁ బ్రాణమిచ్చు ప్రాయమిచ్చు
యెంతటి పదవులైన నిట్టె యిచ్చు
వింతవింత విభవాల వేంకటేశుఁడిదె మా-
యంతరంగముననుండే అరచేతిదైవము
(||pallavi||)
emi valasina nichchu nĕppuḍainanu
yemaraga kŏlisina nīdam̐ḍe daivamu
(||emi||)
ghanamugā niṁdarigim̐ gannulichchum̐ gāḽlichchu
paniseyam̐ jedulichchu baliyum̐ḍai
tanum̐gŏluvumani sittamulichchum̐ garuṇiṁchi
vŏnara logānagĕlla nŏkkam̐ḍe daivamu
(||emi||)
machchiga tanum̐gŏluva manasichchu māḍalichchu
kuchchidamuleni kŏḍugula nichchunu
sŏchchinasoḍe sŏchchi śhubhamichchu sukhamichchu
nichchalu logānagĕlla nijamainadaivamu
(||emi||)
paṁtamāḍi kŏlisinam̐ brāṇamichchu prāyamichchu
yĕṁtaḍi padavulaina niṭṭĕ yichchu
viṁtaviṁta vibhavāla veṁkaḍeśhum̐ḍidĕ mā-
yaṁtaraṁgamunanuṁḍe arasedidaivamu